ભારતે એન્ટી ટેન્ક મિસાઇલ હેલિનાનું સફળ પરીક્ષણ કર્યું, તેનાથી વધશે વાયુસેનાની તાકાત

નવી દિલ્હીઃ ભારતે સોમવારે સ્વદેશી રશિયાથી વિકસિત એન્ટી ટેન્ક ગાઇડેડ મિસાઇલ (એટીજીએમ) હેલિનાનું સફળ પરીક્ષણ કર્યું છે. આ મિસાઇલનું પરીક્ષણ ધ્રુવ એડવાન્સ લાઇટ હેલીકોપ્ટરથી ઉંચાઈ પર સફળતાપૂર્વક કરવામાં આવ્યું છે. રક્ષામંત્રાલયે સોમવારે કહ્યું કે તાજા લોન્ચ બાદ હવે હેલીકોપ્ટરની સાથે હથિયારોના એકીકરણનો માર્ગ મોકળો બની ગયો છે.

આ મિસાઇલ લોન્ચ રાજસ્થાનમાં પોખરણ ફાયરિંજ રેન્જમાં કરવામાં આવી છે. હેલિના કે હેલીકોપ્ટર આધારિત નાગ મિસાઇલ સાત કિમી દૂર સુધી લક્ષ્ય પર હુમલો કરી શકે છે. રક્ષામંત્રાલયે એક નિવેદનમાં કહ્યું કે, ઇન્ફ્રારેડ ઇમેજિંગ સીકર સિસ્ટમ દ્વારા સંચાલિત ફાયર એન્ડ ફોરગેટ મિસાઇલને સફળતાપૂર્વક ઉચ્ચ ઉંચાઈ પર એક નકલી ટેન્ક લક્ષ્યને નિશાન બનાવવામાં આવ્યું. સંરક્ષણ સંશોધન અને વિકાસ સંસ્થા (ડીઆરડીઓ), ભારતીય વાયુસેના અને સેનાએ સંયુક્ત રૂપથી તેનું પરીક્ષણ કર્યું છે. 

ડીઆરડીઓ અનુસાર હેલિના સિસ્ટમમાં દિવસ અને રાત્રે દરેક મોસમમાં હિટ કરવાની ક્ષમતા છે અને તે પરંપરાગત અને વિસ્ફોટક પ્રતિક્રિયાશીલ કવચની સાથે દુશ્મનની ટેન્કોને મારી શકે છે. મિસાઇલ સીધી હિટ મોડની સાથે-સાથે ટોપ એટેક મોડ બંને લક્ષ્યને ભેદી શકે છે. 

મહત્વનું છે કે હેલીકોપ્ટરથી લોન્ચ થનારી એન્ટી ટેન્ક ગાઇડેડ મિસાઇલને ભારત સરકારે રક્ષા વિનિર્માણ ક્ષેત્રમાં આત્મનિર્ભરતાને પ્રોત્સાહન આપવા માટે આયાત પર પ્રતિબંધ લગાવી રાખ્યો છે.