VIDEO: માલિકને બચાવવા કોબરા સાથે કલાકોની લડાઈ બાદ 4 કુતરાએ આપી જાનની કુરબાની

ભાગલપુરઃ બિહારના ભાગલપુર શહેરમાં હિન્દી ફિલ્મ 'તેરી મહેરબાનિયાં' જેવો કિસ્સો જોવા મળ્યો છે. કુતરા જેવું વફાદાર પ્રાણી કોઈ ન હોય તેવું ઉદાહરણ અહીં જોવા મળ્યું છે. ચાર પાલતુ કુતરાઓએ ઝેરી કોબરા સાથે કલાકો સુધી લડાઈ લડીને પોતાના માલિકને બચાવવા માટે જાનની કુરબાની આપી દીધી છે. શહેરના સાહેબગંજ વિસ્તારમાં ગંગા નદીના કિનારે રહેતા એક પરિવારના ઘરમાં ગઈ રાત્રે એક કોબરા ઘુસી આવ્યો હતો. પાલતુ કુતરાઓ જ્યારે તેને જોઈ ગયા તો તેને ઘેરી લીધો અને ઘરમાં ઘુસતા રોકવા માટે તેની સાથે લડતા રહ્યા. 

આ લડાઈમાં કોબરાએ કુતરાઓને અનેક વખત ડંખ માર્યો હતો. રાત્રે બે કલાકે જ્યારે કુતરાઓના સતત ભોંકવાનો અવાજ સાંભળ્યો ત્યારે પરિવારને લાગ્યું કે કંઈક ગરબડ છે. તેમણે બહાર નિકળીને જોયું તો એક કાળા નાગ સામે તેમના ચારેય વફાદાર કુતરા સંઘર્ષ કરી રહ્યા હતા.