G-20 માં ભારતને મળી મોટી સફળતા, ઘોષણાપત્ર મંજૂર પીએમ મોદીએ માન્યો આભાર

નવી દિલ્હીઃ New Delhi G20 Leaders Summit Declaration: દિલ્હીના પ્રગતિ મેદાનમાં જી-20 શિખર સંમેલન ચાલી રહ્યું છે. સંમેલનના પ્રથમ દિવસે શનિવાર (9 સપ્ટેમ્બર) એ નવી દિલ્હી જી-20 ઘોષણાપત્રને મંજૂરી મળી ગઈ છે. સમિટના બીજા સેશનમાં પીએમ મોદીએ આ વિશે જાહેરાત કરતા જી-20 શેપરાઓ, મંત્રીઓ અને દરેક અધિકારીઓનો આભાર માન્યો છે. 

પ્રધાનમંત્રી મોદીએ કહ્યુ- એક ખુશખબર મળી છે કે અમારી ટીમના કઠિન પરિશ્રમ અને તમારા બધાના સહયોગથી જી-20 લીડર મિટના ડિક્લેરેશન પર સહમતિ બની છે. મારો પ્રસ્તાવ છે કે લીડર્સ ડિક્લેરેશનને પણ અપનાવવામાં આવે. હું પણ આ ડિક્લેરેશનને અપનાવવાની જાહેરાત કરુ છું.

વિકસિત દેશોને કર્યું આહ્વાન
તેમણે કહ્યું કે ભારતે પર્યાવરણ અને જળવાયુ અવલોકન માટે જી-20 ઉપગ્રહ મિશન શરૂ કરવાનો પ્રસ્તાવ રાખ્યો છે. મારો પ્રસ્તાવ છે કે જી-20 દેશ ગ્રીન ક્રેડિટ પહેલ પર કામ કરવાનું શરૂ કરે. વિકસિત દેશ તેમાં ખુબ મહત્વપૂર્ણ ભૂમિકા નિભાવી શકે છે.