જીસી મુર્મૂ બન્યા જમ્મુ-કાશ્મીરના નવા ઉપરાજ્યપાલ, રાધાકૃષ્ણ માથુર બનશે લદ્દાખના પ્રથમ LG

નવી દિલ્હીઃ કેન્દ્ર સરકારની ભલામણ પછી રાષ્ટ્રપતિ રામનાથ કોવિંદે શુક્રવારની સાંજે જમ્મુ-કાશ્મીર અને લદ્દાખના પ્રથમ લેફ્ટનન્ટ ગવર્નરની નિમણૂક કરી છે. ગિરીશ ચંદ્ર મુર્મૂ જમ્મુ-કાશ્મીરના નવા ઉપરાજ્યપાલ બનાવાયા છે. લદ્દાખમાં રાધાકૃષ્ણ માથુર પ્રથમ ઉપરાજ્યપાલ બનશે. આ ઉપરાંત પી.એસ. શ્રીધરન પિલ્લઈને સિક્કિમના નવા રાજ્યપાલ નિયુક્ત કરાયા છે. 

જમ્મુ-કાશ્મીર અને લદ્દાખને કેન્દ્રશાસિત પ્રદેશનો દરજ્જો અપાયા પછી નવા ઉપરાજ્યપાલની નિમણુક કરી છે. જમ્મુ-કાશ્મીરના વર્તમાન રાજ્યપાલ સત્યપાલ મલિકને ગોવાના રાજ્યપાલ બનાવાયા છે.