મુઝફ્ફરનગર: ઉત્તર પ્રદેશમાં મુઝફ્ફરનગર પોલીસે જન્મદિવસના જશ્ન દરમિયાન બંદૂકથી ફાયરિંગ કરવાનો કેસ દાખલ કર્યો છે. ફાયરિંગનો આ વીડિયો સોશિયલ મીડિયામાં વાયરલ થયા બાદ પોલીસે આ પગલું ભર્યું. પોલીસે જણાવ્યું કે સંબંધિત કલમો હેઠળ મામલો નોંધવામાં આવ્યો છ અને મામલામાં સામેલ લોકો વિરુદ્ધ કાયદાકીય કાર્યવાહી થઈ રહી છે. 


જન્મદિવસ પર યુવતીએ કર્યું ફાયરિંગ
ઉત્તર પ્રદેશના મુઝફ્ફરનગરમાં કથિત રીતે જન્મદિવસની પાર્ટી દરમિયાન યુવતી દ્વારા ફાયરિંગ કરવાનો વીડિયો હાલ સોશિયલ મીડિયા પર વાયરલ થઈ રહ્યો છે. આ વીડિયોમાં યુવતી ડાન્સ કરતી જોવા મળી રહી છે અને બેકગ્રાઉન્ડમાં તેજ મ્યુઝિક વાગી રહ્યું છે. ડાન્સ કરતા કરતા યુવતીએ બંદૂક ઉપર ઉઠાવી અને ફાયરિંગ કર્યું. એટલું જ નહીં ફાયરિંગ કર્યા બાદ ડાન્સ પણ કરતી જોવા મળી. વીડિયોમાં જોવા મળી રહેલી મહિલાની સાથે એક પુરુષ પણ સામેલ છે. જો કે તે સંપૂર્ણ રીતે દેખાતો નથી. 


Zee News App ડાઉનલોડ કરો, અમારી સાથે જોડાઓ : facebook | twitter | youtube