Delhi Ordinance Bill: દિલ્હી સેવા બિલ લોકસભામાં પાસ, INDIA ગઠબંધનનું વોકઆઉટ

નવી દિલ્હીઃ Delhi Ordinance Bill: દિલ્હીના અધિકારીઓના ટ્રાન્સફર અને પોસ્ટિંગ સાથે જોડાયેલા અધ્યાદેશની જગ્યા લેનાર બિલ ગુરૂવારે લોકસભામાં પસાર થઈ ગયું છે. હવે તેને રાજ્યસભામાં રજૂ કરવામાં આવશે. આ બિલ પસાર થવાની સાથે વિપક્ષી સાંસદોએ ગૃહમાંથી વોકઆઉટ કર્યુ હતું. આ બિલ મંગળવારે કેન્દ્રીય ગૃહમંત્રી અમિત શાહે રજૂ કર્યું હતું. નોંધનીય છે કે દિલ્હી સેવા વિધેયક વર્તમાન અધ્યાદેશની જગ્યા લેશે જે દિલ્હી સરકારને મોટા ભાગની સેવાઓ પર નિયંત્રણ આપનાર સુપ્રીમ કોર્ટના આદેશને રદ્દ કરે છે. 

લોકસભામાં બિલ પર ચર્ચાનો જવાબ કેન્દ્રીય ગૃહમંત્રી અમિત શાહે આપ્યો હતો. આ દરમિયાન કોંગ્રેસ, ટીએમસી અને ડીએમકે સહિત અન્ય વિપક્ષી દળોએ આ બિલનો વિરોધ કર્યો હતો.