પશ્ચિમ બંગાળઃ આગકાંડમાં 8 લોકોના મોતથી ભડક્યા રાજ્યાપલ, મમતા સરકાર પર કરી ટિપ્પણી

કોલકત્તાઃ પશ્ચિમ બંગાળના બીરભૂમ જિલ્લામાં ટીએમસીના એક નેતાની હત્યા બાદ હિંસામાં 8 લોકોને જીતવા સળગાવી દેવામાં આવ્યા છે. આ ઘટના પર રાજ્યપાલ જગદીપ ધનખડે અફસોસ વ્યક્ત કરતા મમતા બેનર્જી સરકાર પર નિશાન સાધ્યુ છે. તો કેન્દ્રીય ગૃહમંત્રાલયે આ દુર્ઘટનાને લઈને રાજ્ય સરકાર પાસે રિપોર્ટ માંગ્યો છે. 

રાજ્ય હિંસાની સંસ્કૃતિ અને જંગલરાજના હવાલે
રાજ્યપાલ જગદીપ ધનખડે ટ્વીટ કરી લખ્યુ- ભયાનક હિંસા અને આગકાંડની ઘટનાથી સંકેત મળે છે કે રાજ્ય હિંસાની સંસ્કૃતિ અને જંગલરાજના હવાલે છે. અત્યાર સુધી 8 લોકોના મોત થયા છે. આ વિશે મેં ચીફ સેક્રેટરી પાસે રિપોર્ટ માંગ્યો છે. આ ઘટનાથી મને ખુબ દુખ થયુ છે. મારી સંવેદનાઓ પીડિતોના પરિવારોની સાથે છે. 

પશ્ચિમ બંગાળના રાજ્યપાલે મમતા સરકાર પર સાધ્યુ નિશાન
રાજ્યપાલના આ નિવેદનને મમતા બેનર્જી સરકાર પર સીધો હુમલો માનવામાં આવી રહ્યો છે. તો મમતા બેનર્જી સરકારે આ ઘટનાની તપાસ માટે એસઆઈટી બનાવી છે. 

આટલી મોટી ઘટના બાદ પણ ટીએમસી નેતાઓ તેને નજરઅંદાજ કરી રહ્યા છે. ટીએમસી નેતાઓનો દાવો છે કે આ ઘટના આગને કારણે નહીં પરંતુ શોર્ટ સર્કિટને કારણે થઈ છે. ફાયર બ્રિગેડના અધિકારીઓ પ્રમાણે એક ઘરમાં 7 લોકોના મૃતદેહ મળ્યા છે. આ મૃતદેહ એટલા સળગી ગયા હતા કે તેને ઓળખવા પણ મુશ્કેલ બન્યા છે. તો કેન્દ્ર સરકારે પણ બંગાળમાં તપાસ કમિટી મોકલવાનો નિર્ણય કર્યો છે.