રાજ્યસભામાં NDAને મળી જીત, હરિવંશ નારાયણ બીજીવાર બન્યા ડેપ્યુટી ચેરમેન

નવી દિલ્હીઃ આજથી સંસદના ચોમાસુ સત્રનો પ્રારંભ થઈ ગયો છે. રાજ્યસભાની પ્રથમ દિવસની કાર્યવાહીમાં ડેપ્યુટી ચેરમેનની ચૂંટણી યોજવામાં આવી હતી. જેમાં એનડીએને મોટી જીત મળી છે. એનડીએના ઉમેદવાર હરિવંશ નારાયણ એકવાર ફરી રાજ્યસભાના ડેપ્યુટી ચેરમેન પદે ચૂંટાયા છે. તેઓ સતત બીજીવાર આ પદ માટે ચૂંટાયા છે. જ્યારે વિપક્ષના ઉમેદવાર મનોઝ ઝાનો પરાજય થયો છે. 

હરિવંશ નારાયણની ડેપ્યુટી ચેરમેન પદે નિમણૂક થયા બાદ પ્રધાનમંત્રી નરેન્દ્ર મોદીએ કહ્યુ કે, હરિવંશ જી ગૃહના દરેક સભ્ય પ્રત્યે મારા મનમાં સન્માન છે. તેમણે આ સન્માન હાસિલ કર્યું છે. સંસદમાં તેમની નિષ્પક્ષ ભૂમિકા આપણા લોકતંત્રને મજબૂત કરે છે.