કર્ણાટક: હિજાબ મુદ્દે ટીચર અને સ્ટુડન્ટ્સના વાલીઓ વચ્ચે થઈ ઉગ્ર દલીલો, વીડિયો વાયરલ

માંડ્યા: કર્ણાટકમાં શાળાઓ આજથી ફરી ખુલી છે. કર્ણાટક હાઈકોર્ટના વચગાળાના આદેશ મુજબ વિદ્યાર્થીઓને કોઈ પણ ધાર્મિક પ્રતિક વગર શાળાઓમાં પ્રવેશ મળશે. પરંતુ આ બધા વચ્ચે કર્ણાટકના માંડ્યામાં વિદ્યાર્થીનીઓના વાલીઓ શાળાના ગેટ પર મહિલા ટીચર સાથે ચર્ચામાં ઉતરેલા જોવા મળ્યા. 

હિજાબ સાથે શાળામાં પ્રવેશ પર રોક
અત્રે જણાવવાનું કે કર્ણાટકના માંડ્યામાં રોટરી સ્કૂલની બહાર વાલીઓએ એક મહિલા ટીચર સાથે દલીલો કરી. વિદ્યાર્થનીઓ હિજાબ પહેરીને શાળામાં પ્રવેશવાની કોશિશ કરી રહી હતી. ત્યારે શિક્ષકે તેમને રોક્યા. જેને લઈને ટીચર અને વાલીઓ વચ્ચે દલીલો થવા લાગી. 

વાલીઓ કેમ દલીલમાં ઉતર્યા?
એક વાલીએ કહ્યું કે અમે ક્લાસમાં સ્ટુડન્ટને જવા દેવાની મંજૂરી માંગી રહ્યા છીએ. ક્લાસરૂમમાં જઈને હિજાબ હટાવી શકાય છે. પરંતુ તેઓ હિજાબ સાથે એન્ટ્રી જ નથી આપતા.