કોરોનાના કારણે બંધ હતી શાળા, હવે ખૂલી તો ક્લાસરૂમમાં એવું કંઈક જોવા મળ્યું, PHOTOS જોઈને થથરી જશો

Human Skeleton In School: ઉત્તર પ્રદેશના વારાણસીમાંથી એક હચમચાવી નાખે તેવી ઘટના સામે આવી છે. વાત જાણે એમ છે કે અહીં એક શાળાની અંદરથી માનવ કંકાળ મળી આવ્યું છે. જેના કારણે વિસ્તારમાં હડકંપ મચી ગયો છે. ક્લાસરૂમની સફાઈ કરતી વખતે આ માનવ કંકાળ મળી આવ્યું. ત્યારબાદ ફોરેન્સિક ટીમ ઘટનાસ્થળે પહોંચી અને કેસની તપાસ શરૂ કરી. જાણો સમગ્ર મામલો. 

વારાણસીની સ્કૂલમાં માનવ કંકાળ
અત્રે જણાવવાનું કે કોરોના સંકટ કાળ બાદ યુપી સહિત દેશના અનેક રાજ્યોમાં શાળાઓ ફરીથી શરૂ કરવામાં આવી છે. આ બધા વચ્ચે ઉત્તર પ્રદેશમાં વારાણસીના જે.પી.મહેતા ઈન્ટર કોલેજથી હચમચાવી નાખે તેવી ઘટના જોવા મળી છે. જ્યારે આ શાળાનો એક ક્લાસરૂમ ખોલવામાં આવ્યો તો બધા ચોંકી ગયા. ક્લાસરૂમમાં બેન્ચ નીચેથી નર કંકાળ મળી આવ્યું. ત્યારબાદ પોલીસ એક્શનમાં આવી અને તપાસમાં લાગી.