Video: પુત્રીના લગ્નમાં `દિવંગત` પિતાએ આપી હાજરી, પુત્રીની આંખોમાંથી સરી પડ્યા હર્ષના આંસુ

Hyderabad Viral Video: સોશિયલ મીડિયા પર મોટાભાગે ઘણા વિડીયો વાયરલ થતા રહે છે પરંતુ હાલમાં તેલંગાણાના વારંગલ શહેરનો એક એવો વીડિયો સોશિયલ મીડિયા પ્લેટફોર્મ પર વાયરલ થઇ રહ્યો છે જે લોકોને ભાવૂક કરી રહ્યો છે. આ વીડિયોમાં જોઇ શકાય છે કે એક ભાઇએ પોતાની બહેનના લગ્નમાં એવી અનોખી ભેટ આપી કે તે તેની જીંદગીની સૌથી સુંદર અને યાદગાર પળ બની ગઇ છે. 

વાયરલ થઇ રહેલા વીડિયોમાં જોઇ શકાય છે કે એક છોકરીના લગ્ન થઇ રહ્યા છે. તમને જણાવી દઇએ કે છોકરીના પિતાનું થોડા દિવસો પહેલાં કોરોનાથી મોત નિપજ્યું હતું. તો બીજી તરફ ભાઇએ બહેનના લગ્નમાં પિતાની ખોટને પૂરી કરવા માટે કંઇક એવું કામ કે કોઇ વિચારી પણ ન શકે. જોકે બહેન સાંઇ વૈષ્ણવીને પોતાના લગ્નમાં પિતાની ખોટ સાલી રહી હતી. તેની આંખોમાં આંસૂ હતા. આ દરમિયાન એવું કંઇક થયું કે તે ખીલી ઉઠી. તેના ભાઇ અવુલા ફાણી તેના માટે એવી ભેટ લાવ્યો કે તેની આંખોમાં ખુશીના આંસૂ આવી ગયા. જોકે ફાણીએ પોતાની બહેનના લગ્નમાં પોતાની કમીને દૂર કરવા માટે તેમનું મીણનું સ્ટેચ્યૂ બનાવ્યું અને લગ્નના દિવસે દુલ્હન બનેલી પિતાના વેક્સ સ્ટેચ્યૂ ભેટમાં આપ્યું.