Blast In Delhi: દિલ્હીમાં ઇઝરાઇલ દૂતાવાસ નજીક IED બ્લાસ્ટ, 4થી 5 કાર ક્ષતિગ્રસ્ત

નવી દિલ્હી: દિલ્હીની સીમાઓ પર ચાલી રહેલા કિસાન આંદોલન (Farmers Poroste) અને ભારે ભીડ વચ્ચે દિલ્હીમાં બ્લાસ્ટના (Blast in Delhi) સમાચાર સામે આવ્યા છે. પ્રાપ્ત જાણકારી અનુસાર દિલ્હીમાં સ્થિત ઈઝરાઈલ દૂતાવાસ (Embassy of Israel) નજીક IED બ્લાસ્ટ થયો છે. જણાવવામાં આવી રહ્યું છે કે, આ બ્લાસ્ટમાં 4થી 5 કાર ક્ષતિગ્રસ્ત થઈ છે. જ્યારે આ મામલે તપાસ કરાવ દિલ્હી પોલીસ તેમજ સ્પેશિયલ સેલની ટીમ ઘટના સ્થળ પર પહોંચી ગઈ છે. જો કે, આ બ્લાસ્ટમાં કોઈ જાનહાની થયાના હજુ સુધી સમાચાર મળ્યા નથી.

તમને જણાવી દઇએ કે, ભારત અને ઈઝરાઈલ આજે તેમના રાજકીય સંબંધોના 29 વર્ષ પુરા થયાની ઉજવણી કરી રહ્યા છે. ભારતમાં ઈઝરાઈલના દૂતાવાસે તેને લઇને ટ્વિટ કર્યું છે, ઈઝરાઈલના દૂતાવાસના ટ્વિટર હેન્ડલથી ટ્વીટ કરવામાં આવ્યું છે કે, જ્યારે અમે આપણી ભાગીદારીની વર્ષગાંઠ ઉજવીએ છીએ, ચાલો ગયા વર્ષના મહત્વપૂર્ણ ક્ષણો પર એક નજર કરીએ જેણે આપણા સંબંધોને પહેલા કરતા વધુ મજબૂત બનાવ્યા.