India-Australia વચ્ચે `ઐતિહાસિક` કરાર, PM મોદીએ ગણાવી ઐતિહાસિક ક્ષણ, થશે આ ફાયદા

India-Australia: ભારત અને ઓસ્ટ્રેલિયાએ શનિવારે એક બીજા સાથે આર્થિક સહયોગ અને વેપાર(economic cooperation and trade agreement) અંગે કરાર કર્યા. બંને દેશો વચ્ચે આ કરાર પર હસ્તાક્ષર થયા. આ કરારથી બંને દેશોને ખુબ ફાયદો થશે. આ અવસરે પીએમ મોદીએ કહ્યું કે આપણી અર્થવ્યવસ્થાઓ વચ્ચે એકબીજાની જરૂરીયાતોને પૂરી કરવાની ખુબ ક્ષમતા છે. મને વિશ્વાસ છે કે આ કરારથી આપણે આ તકનો પૂરેપૂરો ફાયદો ઉઠાવી શકીશું. આ કરારના આધારે આપણે સાથે મળીને સપ્લાય ચેનનું લચીલાપણું વધારવા અને ઈન્ડો-પેસિફિક ક્ષેત્રની સ્થિરતામાં પણ યોગદાન કરી શકીશું. 

થશે આ ફાયદા
રિપોર્ટ્સ મુજબ પીએમ મોદીએ કહ્યું કે આટલા ઓછા સમયમાં આટલા મહત્વપૂર્ણ કરાર પર સહમતિ બની એ દર્શાવે છે કે બંને દેશો વચ્ચે કેટલો પરસ્પર વિશ્વાસ છે. આ અમારા દ્વિપક્ષીય સંબંધો માટે ખરેખર એક ઐતિહાસિક ક્ષણ છે. આ સંબંધ ભારત-ઓસ્ટ્રેલિયા મિત્રતાનો મહત્વપૂર્ણ સ્તંભ છે. આ કરાર આપણી વચ્ચે વિદ્યાર્થીઓ, પ્રોફેશનલ, અને પર્યટકોનું આદાન પ્રદાન સરળ બનાવશે. જેનાથી આ સંબંધ વધુ મજબૂત થશે.