શહીદ કર્નલ સંતોષ બાબુની 9 વર્ષીની દીકરીએ પિતાને આપી શ્રદ્ધાંજલિ, તસવીર જોઈ ભાવુક થયા લોકો

હૈદરાબાદ: લદ્દાખની ગલવાન ખાડીમાં ભારત અને ચીનના (India-China Border Dispute) સૈનિકોમાં હિંસક સંઘર્ષમાં શહીદ થયા કર્નલ બી. સંતોષ બાબુની દીકરીની તસવીર સોશિયલ મીડિયા પર વાયરલ થઈ રહી છે. આ તસવીરને જોઇ લોકો ભાવુક થઈ રહ્યાં છે. ફોટો પર લાઇક, શેર અને ઇમોશનલ કોમેન્ટ્સ લોકો કરી રહ્યાં છે. તસવીરમાં શહીદ કર્નલ બી. સંતોષ બાબુની 9 વર્ષની દીકરી તેના પિતાની તસવીર સામે હાથ જોડીને ઉભી છે. તે જોઇને લોકો નમ આંખોથી શહીદ કર્નલ સંતોષ બાબુને શ્રદ્ધાંજલિ અર્પણ કરી રહ્યાં છે.

આ પણ વાંચો:- LAC પર તણાવ: હાઇ એલર્ટ પર નૌકાદળ, દરિયાઈ સીમા પર તૈનાત યુદ્ધ જહાજ

એક યૂઝરે લખ્યું- કર્નલ સંતોષ બાબુની દીકરી. મારી આંખોમાં આંસુ છે અને હું નિશબ્દ છું. જય હિંદ. ત્યારે એક અન્ય યૂઝરે લખ્યું- બાબા હું તારી દીકરી., બદલો હું લઇશ તમારો, આ વચન છે મારુ. આ પ્રકારે તમામ ટ્વિટર યૂઝર્સે કર્નલ સંતોષ બાબુને નમ આંખોથી શ્રદ્ધાજંલિ આપી છે. 

આ પણ વાંચો:- બોર્ડર પરના તણાવ વચ્ચે બંને દેશના વિદેશ મંત્રીઓની વાત, ચીને આ વાત પર મૂક્યો ભાર