Corona Update: ઘટતા કેમ નથી કોરોનાના કેસ? છેલ્લા 24 કલાકમાં આટલા નવા દર્દીઓ નોંધાયા

નવી દિલ્હી: દેશમાં કોરોના વાયરસના કેસ વળી પાછા 40 હજાર ઉપર આવવા લાગ્યા છે. છેલ્લા 24 કલાકમાં કોરોનાના 42 હજારથી વધુ નવા કેસ નોંધાયા છે. એક્ટિવ કેસ ફરીથી 4 લાખને પાર ગયા છે. 

એક દિવસમાં 42 હજારથી વધુ નવા કેસ
આરોગ્ય મંત્રાલયે આજે સવારે જાહેર કરેલા આંકડા મુજબ છેલ્લા 24 કલાકમાં કોરોનાના નવા 42,766 દર્દીઓ નોંધાયા છે. આ સાથે જ હવે એક્ટિવ કેસની સંખ્યા ફરીથી 4 લાખને પાર કરીને 4,10,048 પર પહોંચી ગઈ છે. હાલ દેશમાં કોરોનાથી રિકવરી રેટ 97.42% છે. દેશમાં કોરોનાના કુલ દર્દીઓની સંખ્યા હવે 3 કરોડ 29 લાખ 88 હજાર 673 થઈ ગઈ છે. છેલ્લા પાંચ દિવસથી સતત કોરોના દર્દીઓની સંખ્યા વધી રહી છે. રોજ 40 લાખથી વધુ કેસ નોંધાઈ રહ્યા છે. 

કેરળમાં નોંધાયા 29 હજારથી વધુ કેસ
દેશભરમાંથી જે 42,766 દર્દીઓ નોંધાયા છે તેમાંથી એકલા કેરળમાં 29,682 દર્દીઓ નોંધાયા છે. રાજ્યમાં કોરોનાથી 142 લોકોના મોત પણ થયા છે.