નવી દિલ્હી: દેશમાં કોરોના (Corona) સંક્રમણમાં ઘટાડો નોંધાયો છે. છેલ્લા 24 કલાકમાં કોરોનાના 31 હજાર જેટલા નવા કેસ નોંધાયા છે જે 118 દિવસમાં સૌથી ઓછા છે. પરંતુ ચિંતાજનક જે વાત જોવા મળી રહી છે તે કોરોનાથી થતા મોતની સંખ્યામાં વધારાની છે. છેલ્લા 24 કલાકમાં બે હજારથી વધુ લોકોના કોરોનાથી મોત નિપજ્યા છે. ગઈ કાલે જાહેર થયેલા આંકડા મુજબ 37,154 નવા કેસ નોંધાયા હતા જ્યારે એક દિવસમાં 724 લોકોના કોરોનાથી મોત થયા હતા. 


નવા કેસમાં ઘટાડો
નવા નોંધાયેલા આંકડા મુજબ છેલ્લા 24 કલાકમાં સમગ્ર દેશમાંથી કોરોના વાયરસના નવા 31,443 દર્દીઓ નોંધાયા છે. જે 118 દિવસના સૌથી ઓછા નોંધાયેલા કેસ છે. હાલ દેશમાં 4,31,315 દર્દીઓ સારવાર હેઠળ છે. આ આંકડો છેલ્લા 109 દિવસનો એક્ટિવ કેસનો સૌથી ઓછો આંકડો છે. એક દિવસમાં 49,007 દર્દીઓ રિકવર થયા છે. આ સાથે અત્યાર સુધીમાં કુલ 3,00,63,720 દર્દીઓ રિકવર થયા છે. 


Zee News App ડાઉનલોડ કરો, અમારી સાથે જોડાઓ : facebook | twitter | youtube