`મોનિકા ઓહ માય ડાર્લિંગ...` પર ઈન્ડિયન નેવી બેન્ડનું જબરદસ્ત પરફોર્મન્સ, Video જોઈ ખુશ થઈ જશો

નવી દિલ્હી: 26 જાન્યુઆરીના રોજ ગણતંત્ર દિવસની પરેડ પહેલા રાજપથ પર રિહર્સલ જોરશોરથી થઈ રહ્યું છે. ભારત સરકારે શનિવારે આર-ડે સમારોહ માટે ભારતીય નેવીના પૂર્વાભ્યાસનો વીડિયો ટ્વીટ કર્યો. વીડિયોમાં ભારતીય નેવીના જવાનોના બેન્ડને વર્દી પહેરેલી અને રાઈફલ પકડેલા જોઈ શકાય છે. તમામ જવાનો વિજય ચોક પર પરેડ માર્ચ માટે એક બોલીવુડ ગીત પર અભ્યાસ કરતા જોવા મળ્યા. 

જવાના રિહર્સલ દરમિયાન વાગી ગજબની ધૂન
ભારતીય જવાનોને 1967ની ફિલ્મ કારવાના જાણીતા ગીત પિયા તુ અબ તો આજા....ની ધૂન વગાડતા અને માર્ચ કરતા જોઈ શકાય છે. વીડિયોમાં જોઈ શકાય છે કે ગીત ભારતીય નેવી બેન્ડ દ્વારા ઉત્સાહ સાથે વગાડવામાં આવી રહ્યું છે. 2.25 મિનિટ લાંબા આ વીડિયોને અત્યાર સુધીમાં 10 લાખથી વધુ વખત જોવાયો છે.