#InternationalDayofYoga: બરફથી છવાયેલી પર્વતની ટોચથી લઈને સમુદ્રમાં કરાયો યોગ અભ્યાસ

નવી દિલ્હી: 5માં આંતરરાષ્ટ્રીય યોગ દિવસના અવસરે વડાપ્રધાન નરેન્દ્ર મોદીએ આજે રાંચીના પ્રભાત તારા ગ્રાઉન્ડમાં 40 હજાર લોકો સાથે યોગ અભ્યાસ કર્યો. પીએમ મોદીએ લોકો વચ્ચે બેસતા અગાઉ સૌથી પહેલા હાથ જોડીને ઓમનું ઉચ્ચારણ કર્યું. ત્યારબાદ પીએમ મોદીએ પ્રાણાયામ અને અન્ય યોગ ક્રિયાઓ દ્વારા દેશ અને દુનિયાને સ્વસ્થ અને નિરોગી કાયાનો સંદેશ આપ્યો. આજે ભારતમાં પહાડના શિખરથી લઈને સમુદ્ર વચ્ચે યોગ કરાયા. આઈટીબીપીના જવાનોએ અહીં બર્ફીલા પહાડો વચ્ચે યોગ કર્યો. અને ભારતીય નેવીના જવાનોએ જહાજ આઈએનએસ વિરાટ પર યોગ અભ્યાસ કર્યો.