J&K: આતંકીઓની કાયરતાપૂર્ણ હરકત, ઈદગાહ વિસ્તારમાં શાળામાં ઘૂસી ફાયરિંગ કર્યું

શ્રીનગર: જમ્મુ અને કાશ્મીરના પાટનગર શ્રીનગરના ઈદગાહ વિસ્તારમાં આતંકી હુમલો થયો છે. મળતી માહિતી મુજબ આતંકીઓએ ઈદગાહ વિસ્તારની એક સ્કૂલમાં ફાયરિંગ કર્યું છે. પ્રાથમિક જાણકારી મુજબ આ હુમલામાં શાળાના પ્રિન્સિપાલ અને શિક્ષકની આતંકીઓએ હત્યા કરી છે. 

J&K ને લઈને ગૃહ મંત્રાલયની મહત્વની બેઠક
આતંકીઓ તરફથી નાગરિકોને ટાર્ગેટ કરવામાં આવી રહ્યા છે. આ બધા વચ્ચે આજે કેન્દ્રીય ગૃહ મંત્રાલયની મહત્વની બેઠક થઈ રહી છે. બેઠકમાં જમ્મુ અને કાશ્મીરના નાગરિકોની સુરક્ષા ઉપરાંત આતંકીઓ વિરુદ્ધ ચાલી રહેલા ઓપરેશનને લઈને ચર્ચા થઈ શકે છે. ગૃહ મંત્રાલયમાં થનારી આ બેઠકમાં સીઆરપીએફના ડીજી સહિત સુરક્ષા એજન્સીઓના અનેક અધિકારીઓ સામેલ થશે. આ ઉપરાંત બેઠકમાં આઈબી ચીફ અને અર્ધસૈનિક દળોના અધિકારીઓ હાજર રહેશે.