જમ્મૂ કાશ્મીર: અડધી રાત્રે શરૂ થઇ આતંકવાદીઓ અને સુરક્ષાબળો વચ્ચે મુઠભેડ

શ્રીનગર: દેશમાં ચાલી રહેલા લોકડાઉન વચ્ચે જમ્મૂ કાશ્મીરમાં સુરક્ષાબળો અને આતંકવાદીઓ વચ્ચે મુઠભેડ શરૂ થઇ ગઇ છે. આ મુઠભેડ શ્રીનગરના કાનીમઝાર નાવાકદાળ એરિયામાં થઇ રહી છે. 

જમ્મૂ કાશ્મીર પોલીસ અને સેંટ્રલ રિઝર્વ પોલીસ ફોર્સ ઘટનાસ્થળે હાજર છે. આ જાણકારી કાશ્મીર ઝોનની પોલીસે આપી છે. રિપોર્ટ્સ અનુસાર સર્ચ ઓપરેશન દરમિયાન આતંકવાદી સંતાયેલા હોવાના સમાચાર મળ્યા છે. 

આતંકવાદીઓએ સુરક્ષાબળો પર ફાયરિંગ કર્યું ત્યારબાદ ભારતીય સેના આતંકવાદીઓને જડબાતોડ જવાબ આપી રહી છે. એક સીનિયર પોલીસ અધિકારીએ જણાવ્યું હતું કે ફાયરિંગ થયું છે અને સૂત્રોના જણાવ્યા અનુસાર 1 થી 2 આતંકવાદી છુપાયેલા હોવાની સંભાવના છે.