J&K: મંડી તહેસીલમાં મુસાફરો ભરેલી બસ ખાઈમાં ખાબકી, ઓછામાં ઓછા 11ના મોત
જમ્મુ અને કાશ્મીરના પૂંછ જિલ્લાના મંડી તહેસીલમાં આજે સવારે મુસાફરોથી ખચોખચ ભરેલી બસ અચાનક સંતુલન બગડતા રસ્તા પરથી લસરીને ઊંડી ખાઈમાં જઈને ખાબકી.
નવી દિલ્હી/શ્રીનગર: જમ્મુ અને કાશ્મીરના પૂંછ જિલ્લાના મંડી તહેસીલમાં આજે સવારે મુસાફરોથી ખચોખચ ભરેલી બસ અચાનક સંતુલન બગડતા રસ્તા પરથી લસરીને ઊંડી ખાઈમાં જઈને ખાબકી. આ અકસ્માતમાં ઓછામાં ઓછા 11 મુસાફરોના મોત થયાં છે.
ન્યૂઝ એજન્સી એએનઆઈના જણાવ્યાં મુજબ દુર્ઘટનાગ્રસ્ત બસ પૂંછથી લોરન તરફ જઈ રહી હતી. આ દુર્ઘટનામાં અનેક મુસાફરો ઈજાગ્રસ્ત પણ થયા છે. અધિકારીઓનું કહેવું છે કે મૃતકોનો આંકડો વધી શકે તેવી શક્યતા છે.
વિસ્તૃત અહેવાલની રાહ જુઓ