Jammu Kashmir: આતંકીઓએ CRPF ના બંકર પર કર્યો ગ્રેનેડ હુમલો, 3 નાગરિકોને ઈજા

શ્રીનગરઃ જમ્મુ-કાશ્મીરના શ્રીનગરમાં લાલ ચોકથી આશરે એક કિલોમીટર દૂર આતંકીઓએ સીઆરપીએફના જવાનોના એક બંકર પર ગ્રેનેડ હુમલો કર્યો છે. પરંતુ આ આતંકી હુમલામાં સુરક્ષાદળોને કોઈ નુકસાન પહોંચ્યું નથી, પરંતુ ત્રણ સ્થાનીક લોકો ગ્રેનેડ હુમલામાં ઈજાગ્રસ્ત થયા છે. 

આ ગ્રેનેડ હુમલા બાદ સુરક્ષાદળોએ તે વિસ્તારમાં ઘેરાબંધી કરી લીધી છે અને સર્ચ અભિયાન શરૂ કરી દીધુ છે. પરંતુ હાલ પોલીસે હુમલાખોરો વિશે કોઈ જાણકારી આપી નથી. 

વીકેન્ડ લૉકડાઉનને કારણે ઓછુ નુકસાન
તમને જણાવી દઈએ કે કોરોના સંક્રમણને કારણે વિસ્તારમાં વીકેન્ડ લૉકડાઉન લાગૂ છે. આ કારણે આજે રસ્તા પર ઓછી ભીડ હતી. જેના કારણે વધારે નુકસાન થયું નથી.