આતંકવાદીઓની કાયરતા: કાશ્મીરમાં ટીવી અભિનેત્રીની હત્યા, 10 વર્ષની ભત્રીજાને વાગી ગોળી

કાશ્મીરના બડગામમાં આતંકવાદીઓએ કાયરતાપૂર્ણ હુમલો કર્યો છે. આ હુમલામાં અભિનેત્રીને ટાર્ગેટ બનાવી ફાયરિંગ કરવામાં આવ્યું હતું. ગોળી વાગવાથી અભિનેત્રીનું મોત થયું છે. તેની 10 વર્ષની ભત્રીજાને પણ ગોળી વાગી છે. જેને સારવાર માટે હોસ્પિટલમાં દાખલ કરવામાં આવ્યો છે. હુમલાવરોની શોધખોળમાં સમગ્ર વિસ્તારની ઘેરાબંધી કરી અભિયાન ચલાવવામાં આવી રહ્યું છે. વિસ્તારના તમામ એન્ટ્રી અને એક્ઝિટ દ્રારા સુરક્ષાબળોએ બંધ કરી દીધા છે. 

જમ્મૂ કાશ્મીર પોલીસના જણાવ્યા અનુસાર 7:55 વાગે આતંકવાદીઓએ બડગામના ચદૂરામાં આમરીન ભટના ઘરે ગોળીબારી કરી હતી. જેમાં તેમને ગોળી વાગી હતી. અફરા તફરીમાં તેમને હોસ્પિટલ લઇ જવામાં આવી જ્યાં ડોક્ટરોએ તેને મૃત જાહેર કરી દીધી. તેના 10 વર્ષના ભત્રીજાને પણ હાથમાં ગોળી વાગી છે.