J&K: રાજૌરીમાં આતંકી અથડામણ, JCO સહિત 5 જવાન શહીદ

નવી દિલ્હી: જમ્મુ અને કાશ્મીરના રાજૌરીમાં સુરક્ષાદળો અને આતંકીઓ વચ્ચે અથડામણમાં એક JCO સહિત 5 જવાન શહીદ થયાના સમાચાર છે. આ અગાઉ આજે સવારે અનંતનાગ અને બાંદીપોરામાં સુરક્ષાદળોએ એક એક આતંકીને એન્કાઉન્ટરમાં ઠાર કર્યા હતા. 

મળતી માહિતી મુજબ એન્કાઉન્ટર દરમિયાન આ પાંચ જવાન ગંભીર રીતે ઘાયલ થયા હતા. ત્યારબાદ તેઓ શહીદ થયા. વિસ્તારના ચમરેર જંગલમાં આતંકીઓ છૂપાયેલા હોવાની માહિતી મળી હતી. એજન્સીઓને મુઘલ રોડ પાસે ચમરેર દ્વારા આતંકીઓની ઘૂસણખોરીના ઈનપુટ મળ્યા હતા. ત્યારબાદ સુરક્ષાદળોએ ત્યાં ઓપરેશન ચલાવ્યું. આજ સવારથી જ સુરક્ષાદળો અને આતંકીઓ વચ્ચે અહીં અથડામણ ચાલુ છે.