કારગિલ વિજય દિવસ: `જેમણે દેશની રક્ષા કરી તે વીરોને સેલ્યુટ, જે પાછા ન ફરી શક્યા તેમને શ્રદ્ધાંજલિ`

નવી દિલ્હી: કારગિલ વિજય દિવસના 26 જુલાઈના રોજ 20 વર્ષ પૂરા થયા. આ અવસરે રાષ્ટ્રપતિ રામનાથ કોવિંદે કહ્યું કે 1999માં કારગિલની પહાડીઓ પર આપણી સશસ્ત્ર સેનાઓના પરાક્રમ પ્રત્યે રાષ્ટ્ર કૃતજ્ઞતા પ્રગટ કરે છે. આપણે દેશની રક્ષા કરનારા તે વીરોના શૌર્યને સલામ કરીએ છીએ, જે નાયક પાછા નથી  ફરી શક્યા તેમના પ્રત્યે હંમેશા ઋણી રહીશું. જય હિન્દ. 

આ અવસરે વડાપ્રધાન નરેન્દ્ર મોદીએ કારગિલ યુદ્ધની કેટલીક તસવીરો શેર કરતા લખ્યું કે 1999માં મને ત્યાં જવાની તક મળી હતી. તે વખતે જમ્મુ અને કાશ્મીર તથા હિમાચલ પ્રદેશમાં પાર્ટીનું કામ કરતો હતો. તે વખતે કારગિલ જવું અને ત્યાં સૈનિકો સાથે વાતચીત કરવી એ અવિસ્મરણિય અનુભવ છે.