કર્ણાટક વિધાનસભામાં કાળો જાદુ? મુખ્યમંત્રીના ભાઈ લીંબુ લઈને આવ્યાં

બેંગ્લુરુ: કર્ણાટકમાં કોંગ્રેસ અને જેડીએસ બંને પક્ષો પોતાની ગઠબંધન સરકાર બચાવવા માટે દરેક શક્ય કોશિશ કરી રહ્યાં છે. ભાજપના દબાણ અને રાજ્યપાલના આદેશ બાદ પણ આજે બપોરે આપેલી સમય મર્યાદામાં ફ્લોર ટેસ્ટ થયો નહીં. કુમારસ્વામીનું મુખ્યમંત્રી પદ જોખમમાં જોતા તેમના ભાઈએ કોઈ નવો ટુચકો અજમાવ્યો છે. ભાજપના આરોપ છે કે ટુચકા માટે સીએમના ભાઈ અને પ્રદેશ સરકારના મંત્રી એચડી રેવન્ના શુક્રવારે સદનમાં લીંબુ લઈને આવ્યાં. જો કે કુમારસ્વામીએ કહ્યું કે આવું કશું નથી. અત્રે જણાવવાનું કે થોડા દિવસ પહેલા રેવન્ના ખુલ્લા પગે સદનમાં પહોંચ્યા હતાં. ત્યારથી તેને અનુષ્ઠાન કે ટુચકા જેવું ગણાવવામાં આવ્યું હતું. કહેવાય છે કે રેવન્ના મુસીબતના સમયે પોતાના હાથમાં લીંબુ રાખે છે. તેમનું માનવું છે કે તેનાથી મુસીબત ટળી જાય છે.