કર્ણાટકમાં કુમારસ્વામી સરકાર રહેશે કે પછી કમળ ખીલશે? આજે વિધાનસભામાં ફ્લોર ટેસ્ટ

બેંગ્લુરુ: કર્ણાટકમાં લાંબા સમયથી ચાલી રહેલી રાજકીય ઉથલપાથલ વચ્ચે આજે કુમારસ્વામી સરકારના ભવિષ્યનો પણ ફેંસલો થશે. વિધાનસભામાં આજે સરકાર ફ્લોર ટેસ્ટ આપશે એટલે કે વિશ્વાસ મત મેળવવાની કવાયત કરશે. વિશ્વાસમત અગાઉ બુધવારે સાંજે મુખ્યમંત્રી કુમારસ્વામીએ કોંગ્રેસ ધારાસભ્યોની મુલાકાત કરી. આ બાજુ જેડીએસએ પોતાના ધારાસભ્યોને વ્હિપ જારી કરતા કહ્યું છે કે તેઓ તમામ સરકારના સમર્થનમાં મત આપે. જેડીએસએ કહ્યું કે જે ધારાસભ્ય સદનની કાર્યવાહીમાં ગેરહાજર રહેશે તેમનું સભ્યપદ  રદ કરાશે. 

બીજી બાજુ મોડી રાતે ધારાસભ્ય રામલિંગા રેડ્ડીએ કહ્યું કે તેઓ વિશ્વાસમત દરમિયાન સદનમાં હાજર રહેશે અને કોંગ્રેસના પક્ષમાં મતદાન કરશે. રામલિંગાનું આ નિવેદન ચોંકાવનારું છે. કારણ કે અત્યાર સુધી એવું માનવામાં આવતું હતું કે કોંગ્રેસના બળવાખોર ધારાસભ્યોનું નેતૃત્વ રામલિંગા જ કરી રહ્યાં છે. 

જુઓ LIVE TV