વિવેક અગ્નિહોત્રી અને કોંગ્રેસ નેતા વચ્ચે શાબ્દિક જંગ, પીએમ મોદી અને ગુજરાતમાં ભાજપની જીત સાથે કનેક્શન
Kashmir Files Director Vivek Agnihotri News: ધ કાશ્મીર ફાઇલ્સના ફિલ્મ ડાયરેક્ટર વિવેક અગ્નિહોત્રી અને કોંગ્રેસ પ્રવક્તા સુપ્રિયા શ્રીનેત વચ્ચે ટ્વિટર વોર શરૂ થઈ છે. આ ટ્વિટર વોરની શરૂઆત ભાજપને શુભેચ્છા આપતા એક ટ્વીટથી થઈ, જેમાં વિવેક અગ્નિહોત્રીએ ભાજપ અને પ્રધાનમંત્રી નરેન્દ્ર મોદીને ટેગ કર્યું હતું.
નવી દિલ્હીઃ કોંગ્રેસ નેતા સુપ્રિયા શ્રીનેત અને ફિલ્મ ડાયરેક્ટર વિવેક અગ્નિહોત્રી ટ્વિટર પર પીએમ મોદીને ગુજરાત જીત બાદ એક શુભેચ્છા સંદેશને લઈને ટકરાયા છે. હકીકતમાં વિવેક અગ્નિહોત્રીએ ટ્વીટ કરી પીએમ નરેન્દ્ર મોદીને ભાજપની જીત માટે શુભેચ્છા આપી અને કહ્યું કે, તમને બધાને 2024ની શુભકામનાઓ. આ સાથે તેમણે વરુના ટોળાનો ફોટો શેર કર્યો, જેમાં સૌથી આગળ ચાલનાર વરૂને લીડર જણાવ્યા છે. આ સિવાય તે ફોોટની નીચે સાઇડમાં લખ્યું છે કે લીડરને ફોલો કરનાર ક્યારેય નહીં જાણી શકે કે નેતા માટે રસ્તો બનાવવો કેટલો મુશ્કેલ છે.
તો આ ટ્વીટ પર રિપ્લાય કરતા કોંગ્રેસ પ્રવક્તા સુપ્રિયા શ્રીનેતે લખ્યું કે, 'હે ભગવાન! શરમ નથી આવતી પ્રધાનમંત્રીને વરૂ અને ભાજપની વરૂનું ટોળું કહેતા? આપણા જેટલા પણ વૈચારિક મતભેદ હોય, હું તેની આકરી નિંદા કરૂ છું.'
Zee News App ડાઉનલોડ કરો, અમારી સાથે જોડાઓ : facebook | twitter | youtube