West Bengal: કોલકાતામાં `ટીમ મમતા`ની શપથ વિધિ, 43 મંત્રીએ લીધા પદ અને ગોપનીયતાના શપથ

કોલકાતા: પશ્ચિમ બંગાળની વિધાનસભા ચૂંટણીમાં પ્રચંડ જીત મેળવ્યા બાદ મમતા બેનર્જી સતત ત્રીજીવાર રાજ્યના મુખ્યમંત્રી  બની ગયા છે. મમતા બેનર્જીએ શપથ લઈને કામકાજ પણ સંભાળી લીધુ છે. પરંતુ હવે તેમની ટીમનો વારો છે. બંગાળ સરકારના મંત્રીમંડળે આજે શપથ લીધી જેમાં કુલ 43 મંત્રીઓ સામેલ થયા. જેમાંથી 40એ આજે  રાજભવનમાં મંત્રીપદના શપથ લીધા જ્યારે 3 નેતાઓએ વર્ચ્યુઅલ રીતે શપથ લીધા. 

રાજભવનમાં તમામ કેબિનેટ મંત્રીઓ, સ્વતંત્ર પ્રભાર, રાજ્ય મંત્રીઓને શપથ લેવડાવવામાં આવી. આ દરમિયાન મમતા બેનર્જી પણ હાજર રહ્યા હતા. નવા મંત્રીમંડળમાં અનેક જૂના વફાદારોને તક મળી છે તો કેટલાક નવા પણ સામેલ કરાયા છે.