VIDEO: લદ્દાખના સાંસદ હાથમાં તિરંગો લઈને લેહના માર્કેટમાં લોકો સાથે નાચ્યા

નવી દિલ્હી: જમ્મુ અને કાશ્મીરમાંથી મોદી સરકાર દ્વારા કલમ 370 હટાવાયા બાદ લદ્દાખ હવે અલગ કેન્દ્રશાસિત પ્રદેશ બની ગયો છે. લદ્દાખને યુટી સ્ટેટસ અપાવવા મુદ્દે લદ્દાખના સાંસદ જામયાંગ શેરિંગ નામગ્યાલે લોકસભામાં અત્યંત રસપ્રદ ભાષણ આપીને સમગ્ર દેશની વાહ વાહ મેળવી હતી. હવે તેમના એક વીડિયોએ ફરીથી વાહ વાહ મેળવી છે. સાંસદે પોતાના ટ્વીટર એકાઉન્ટથી એક વીડિયો શેર કર્યો છે જેમાં તેઓ હાથમાં તિરંગો લઈને લોકો સાથે ખુશીમાં ડાન્સ કરતા જોવા મળી રહ્યાં છે. 

જામયાંગ શેરિંગ નામગ્યાલે વીડિયો શેર કરતી વખતે ટ્વીટમાં લખ્યું છે કે લદ્દાખના લોકો પર્યાવરણનું સંરક્ષણ  કરવામાં માને છે. આ જોતા લદ્દાખને અલગ કેન્દ્ર શાસિત પ્રદેશ બનાવવાની ખુશીના સેલિબ્રેશનમાં ફટાકડા ન ફોડવાની પ્રતિજ્ઞા લીધી. આ વીડિયો દર્શાવે છે કે કઈ રીતે લોકો ઈકો ફ્રેન્ડલી સેલિબ્રેશન કરી રહ્યાં છે.