લાલુ યાદવના મોટા પુત્ર તેજ પ્રતાપનું ટ્વીટ, કહ્યું, `પિતાને મળ્યા બાદ જલ્દી જ રાજીનામું આપીશ`

નવી દિલ્હી: RJD સુપ્રીમો લાલુ પ્રસાદ યાદવના મોટા પુત્ર તેજ પ્રતાપ યાદવે પોતાના ટ્વિટથી બિહારની રાજકીય રાજનીતિ ગરમાઈ ગઈ છે. તેમણે પોતાના રાજીનામાની વાત કરી છે. જો કે તેજ પ્રતાપ વિધાનસભામાંથી રાજીનામું આપશે કે પાર્ટીના સભ્યપદેથી રાજીનામું આપશે તેણી સ્પષ્ટ કરી નથી. સોમવારે મોડી સાંજે તેજ પ્રતાપે ટ્વીટ કરીને જણાવ્યું હતું કે હું મારા પિતાના પગલે ચાલી રહ્યો છું. તમામ કાર્યકરોને સન્માન આપવામાં આવ્યું. મારા પિતાને મળ્યા પછી તરત જ હું મારું રાજીનામું સુપરત કરીશ.

તેજ પ્રતાપ હાલમાં હસનપુર વિધાનસભા સીટથી ધારાસભ્ય છે. ગત ચૂંટણીમાં તેઓ મહુઆથી ચૂંટણી લડ્યા હતા અને જીત્યા હતા. તેજ પ્રતાપ મહાગઠબંધન સરકારમાં આરોગ્ય મંત્રી હતા.

તેજ પ્રતાપ યાદવ ત્રણ દિવસ પહેલા પૂર્વ સીએમ અને તેમની માતા રાબડી દેવીના ઘરે જોવા મળ્યા હતા. તે અહીં ઈફ્તાર પાર્ટીમાં ભાગ લેવા આવ્યા હતા. તેજ પ્રતાપના નાના ભાઈ તેજસ્વી યાદવ, માતા રાબડી દેવી અને સીએમ નીતિશ કુમાર સાથે બેઠેલા જોવા મળ્યા હતા. તેજ પ્રતાપે મીડિયા સાથેની વાતચીતમાં કહ્યું હતું કે કાકા નીતીશ અને અમારી વચ્ચે જે વાતચીત થઈ છે તે સમય જ બતાવશે. પરંતુ, સરકાર અમારી બનશે.

જ્યારે, પિતા લાલૂ યાદવને જામીન પર તેજ પ્રતાપે એક ટ્વિટ કરીને કહ્યું હતું કે, પછાતને અધિકાર અપાવીને સામાજિક ન્યાયની કલ્પનાને મજબૂત કરનાર મસીહાને આજે હાઈકોર્ટે જામીન આપી દીધા છે. ફરી એકવાર સ્વાગત છે મોટા સાહેબ.

તેજ પ્રતાપ છેલ્લા કેટલાક દિવસોથી પાર્ટીની અંદર બેચેની અનુભવી રહ્યા છે. આરજેડીના પ્રદેશ અધ્યક્ષ જગદાનંદ સાથે તેમની ખેંચતાણ કોઈનાથી છુપી નથી. તેજ પ્રતાપે અગાઉ વિદ્યાર્થી એકમનો ખુલ્લેઆમ વિરોધ કર્યો હતો. ત્યારબાદ આરજેડીના કાર્યાલય સચિવ ચંન્દેશ્વર પ્રસાદ સિંહને તેમના પદ પરથી હટાવવાનો વિરોધ થયો હતો તેજ પ્રતાપે 26 માર્ચે ટ્વીટ કરીને મોટો સંદેશ આપ્યો હતો. તેણે કહ્યું હતું - સમય આવી ગયો છે...એક મોટા ઘટસ્ફોટ માટે, હું ટૂંક સમયમાં તે બધા ચહેરા પરથી માસ્ક હટાવીશ... જેમણે મને મૂર્ખ સમજવાની ભૂલ કરી.