Heavy Landslide In Rudraprayag: ઉત્તરાખંડના રુદ્રપ્રયાગથી લેન્ડસ્લાઈડનો એક ભયાનક વીડિયો સામે આવ્યો છે. કાટમાળ પડતા જ બદ્રીનાથ-ઋષિકેશ નેશનલ હાઈવે બંધ થઈ ગયો. રુદ્રપ્રયાગ લેન્ડસ્લાઈડનો વીડિયો હાલ સોશિયલ મીડિયા પર ઝડપથી વાયરલ થઈ રહ્યો છે. આ વીડિયોમાં લોકો પોતાના જીવ બચાવવા માટે ભાગતા જોવા મળી રહ્યા છે. અત્રે જણાવવાનું કે રુદ્રપ્રયાગ લેન્ડસ્લાઈડનો વીડિયો ઘટનાસ્થળે હાજર લોકોએ બનાવ્યો. રુદ્રપ્રયાગ લેન્ડસ્લાઈડનો વીડિયો હચમચાવી નાખનારો છે. 


વીડિયોમાં જોવા મળી રહ્યું છે કે પહાડથી જમીન ધસતા બદ્રીનાથ-ઋષિકેશ નેશનલ હાઈવે પર પડવા લાગે છે અને લોકો બૂમો પાડતા પોતાના જીવ બચાવવામાં આમ તેમ ભાગે છે. જ્યારે કાટમાળ નીચે  પડે છે  ત્યારે ધૂળના ગોટેગોટાથી આકાશ છવાઈ જાય છે. થોડીવાર સુધી તો કઈ દેખાતું નથી. લેન્ડસ્લાઈડના કારણે બદ્રીનાથ-ઋષિકેશ નેશનલ હાઈવે બંધ થઈ ગયો. જો કે લેન્ડસ્લાઈડ બાદ જેસીબીની મદદથી કાટમાળ હટાવવાની કાર્યવાહી શરૂ કરાઈ. 


Zee News App ડાઉનલોડ કરો, અમારી સાથે જોડાઓ : facebook | twitter | youtube