Budget 2024 Updates : સીતા રમણના બજેટમાં સૌને `સીતા- રામ રામ` : ના કોઈ મોટી રાહત, માત્ર સરકારના ગુણગાન

Latest Updates

• Thu, Feb 1, 2024, 12:04 PM

  બજેટમાં કોઈ નવી જાહેરાત નથી...માત્ર ટેક્સ સ્લેબ યથાવત રાખવામાં આવ્યો છે..નાણામંત્રીએ સરકારની સિદ્ધીઓ રજૂ કરી અને આંકડાઓ આપ્યા છે.

  • 80 કરોડ લોકોને નિઃશુલ્ક રાશન પહોંચાડ્યું

  • 25 કરોડ લોકોને ગરીબીમાંથી બહાર કાઢ્યા

  • 34 લાખ લોકોના ખાતામાં સીધા પૈસા મોકલ્યા

  • ખેડૂતોને PM કિસાન સન્માન યોજનાનો 11.8 કરોડ ખેડૂતોને લાભ મળ્યો

  • 4 કરોડ ખેડૂતોને PM ફસલ બીમા યોજનાનો લાભ મળ્યો

  • સ્કિલ ઈન્ડિયા મિશનનો 1.4 કરોડ યુવાનોને લાભ મળ્યો

  • 78 લાખ નાના વેપારીને PM સ્વનિધિનો લાભ મળ્યો

  • PM મુદ્રા યોજના હેઠળ 43 કરોડની લોન મંજૂર થઈ

  • 390 યુનિવર્સિટીઓની સ્થાપના કરવામાં આવી

  • 7 નવી IIT, 7 નવી IIM શરૂ કરવામાં આવી

  • 3 હજાર નવી ITIની સ્થાપના કરવામાં આવી

  • દેશમાં 15 નવી AIIMS બનાવવામાં આવી

  • સરકાર 3 કરોડ મકાનોનું લક્ષ્યાંક પ્રાપ્ત કરવાને નજીક (પીએમ આવાસ યોજનામાં)

  • આગામી 5 વર્ષમાં 2 કરોડ વધુ આવાસ બનાવવામાં આવશે

  • આવાસ યોજનામાં મહિલાઓના નામના મકાન અપાયા

  • 70 ટકા PM આવાસ મહિલાઓને મળ્યા

  • મહિલાઓને એક તૃતિયાંશ અનામત આપવામાં આવી

  • GIFT, IFSC, IFSCA વૈશ્વિક રોકાણનું ગેટ વે બન્યું

  • મહિલાઓ માટે ટ્રિપલ તલાક રદ કરતો કાયદો લાવ્યા

  • GSTથી એક દેશ, એક બજાર, એક કર થયું

  • 1 કરોડ ઘરોને દર મહિને 300 યુનિટ ફ્રી વીજળી મળશે રૂફટોપ સોલરથી

  • મધ્યમ વર્ગના લોકોને ઘરનું ઘર મળે તે માટે સરકાર ખાસ યોજના રજૂ કરશે

  • લોકોની સરેરાશ આવકમાં 50 ટકાનો વધારો થયો

  • ગર્ભાશયના કેન્સર માટેથી બચવા માટેની રસી 9 થી 14 વર્ષની બાળાઓને અપાશે

  • આંગણવાડી સેન્ટરને સક્ષમ આંગણવાડી અને પોષણ 2.0થી અપગ્રેડ કરાશે

  • મિશન ઈન્દ્રધનુષ અંતર્ગત રસીકરણ વધારવામાં આવશે

  • આયુષ્માન ભારત હેઠળ આશા, આંગણવાડી વર્કર અને હેલ્પરને આવરી લેવાશે

  • PM કિસાન સંપદા યોજનાનો 38 લાખ ખેડૂતોને લાભ મળ્યો

  • PM કિસાન સંપદા યોજનાથી 10 લાખ રોજગારીનું સર્જન થયું

  • પશુપાલકોને આગળ લાવવા માટે ખાસ યોજનાઓ લવાશે

  • તેલિબિયાંના ઉત્પાદનને પ્રોત્સાહન આપવા યોજના લવાશે

  • નવી મેડિકલ કોલેજો ખોલવામાં આવશે

  • મત્સ્ય સંપદા યોજનાનો વ્યાપ વધારવામાં આવશે

  • મત્સ્ય સંપદા યોજનાથી 55 લાખ રોજગારીની તકોનું સર્જન કરાશે

  • પાંચ ઈન્ટિગ્રેટેડ એક્વાપાર્ક સ્થાપવામાં આવશે

  • લખપતિ દીદી યોજનાથી 1 કરોડ મહિલાઓ લખપતિ બની

  • લખપતિ દીદીનો ટાર્ગેટ 2 કરોડથી વધારી 3 કરોડ કરાયો

  • ટેક્નોલોજીના ક્ષેત્રમાં 1 લાખ કરોડનું લાંબા ગાળાનું ફંડ આપવામાં આવશે

  • નવા 3 મોટા આર્થિક રેલવે કોરિડોર બનાવવામાં આવશે

  • 40 હજાર રેલવે બોગીઓને વંદે ભારતમાં રૂપાંતરિત કરવામાં આવશે

  • મુસાફરી સરળ  અને આરામદાયક કરાશે

  •  પીએમ ગતિ શક્તિ યોજનાનું કામ તેજીથી કરવામાં આવશે

  • દેશમાં 1 હજારથી વધારે નવા એરક્રાફ્ટનો ઓર્ડર આપવામાં આવ્યો

  • ઈન્ફ્રાસ્ટ્રક્ચર માટે 11 લાખ, 11 હજાર, 111 કરોડનું બજેટ

  • EV ઈકો સિસ્ટમને સબળ બનાવવા સરકારનો પ્રયાસ

  • રાજ્યોને પ્રવાસન સ્થળોને પ્રોત્સાહન આપવાનું કહેવાશે

  • લક્ષદ્વીપ સહિતના ટાપુઓના વિકાસ માટે ખાસ બજેટ

  • 2014 થી 2023 FDIનો ઈનફ્લો 596 બિલિયન યૂએસ ડૉલર રહ્યો

  • વસતિ વિષયક ફેરફાર પર કામ કરવા અલગ સમિતિ હશે

  • જુલાઈના બજેટમાં વિકસિત ભારતને સાકાર કરવાનો રોડમેપ રજૂ કરવામાં આવશે

  • ડાયરેક્ટ ટેક્સ કલેક્શન છેલ્લા 10 વર્ષમાં ત્રણ ગણા કરતા વધારે થયું

  • ઈન્કમ ટેક્સ રિટર્ન ભરનાર લોકોની સંખ્યા 2.4 ગણી વધી

  • ટેક્સ સ્લેબમાં કોઈ ફેરફાર નથી કરવામાં આવ્યો

  • 7 લાખ સુધીની આવક સરકારે ટેક્સ ફ્રી જ રહેશે

  • ઈમ્પોર્ટ ડ્યુટીમાં કોઈ ફેરફાર નથી કરવામાં આવ્યો

  • અમારી સરકારે કોર્પોરેટ ટેક્સ 30 ટકાથી ઘટાડીને 22 ટકા કર્યો

  • રાજકોષીય ખાધ 5.1 ટકા રહેવાનું અનુમાન

  • 44.90 કરોડ રૂપિયાનો ખર્ચ છે

  • 30 લાખ કરોડની રેવન્યૂ આવવાનું અનુમાન

• Thu, Feb 1, 2024, 11:57 AM

  FM Nirmala Sitharaman Budget Speech LIVE: આવકવેરાના સ્લેબમાં કોઈ ફેરફાર નહીં થાય'
  નાણામંત્રી નિર્મલા સીતારમને કહ્યું કે આવકવેરાના સ્લેબમાં કોઈ ફેરફાર કરવામાં આવશે નહીં. નાણામંત્રી નિર્મલા સીતારમને કહ્યું કે દેશની અર્થવ્યવસ્થા સાચી દિશામાં આગળ વધી રહી છે. અમારી સરકારનું ધ્યાન પારદર્શક શાસન પર છે. પ્રધાનમંત્રી આવાસ યોજના હેઠળ આગામી 5 વર્ષમાં ગ્રામીણ વિસ્તારોમાં વધુ બે કરોડ મકાનો બનાવવામાં આવશે.

• Thu, Feb 1, 2024, 11:56 AM

  Interim Budget 2024 LIVE: 9 થી 14 વર્ષની વયની છોકરીઓને સર્વાઇકલ કેન્સરની રસી આપશે
  નાણામંત્રીએ કહ્યું કે અમે હાલના સ્વાસ્થ્ય માળખાનો ઉપયોગ કરીને વધુ મેડિકલ કોલેજો બનાવીશું. અમારી સરકાર 9 થી 14 વર્ષની વયની છોકરીઓને સર્વાઇકલ કેન્સરની રસી આપશે. માતૃત્વ અને બાળકના વિકાસ માટે વ્યાપક યોજના બનાવવામાં આવશે. આંગણવાડી કેન્દ્રોને અપગ્રેડ કરવામાં આવશે. પોષણ 2.0 ના અમલીકરણને ઝડપી બનાવવામાં આવશે. રસીકરણને મજબૂત બનાવવામાં આવશે. આયુષ્માન ભારત અંતર્ગત તમામ આશા અને આંગણવાડી કાર્યકરોને તેના દાયરામાં લાવવામાં આવશે.

• Thu, Feb 1, 2024, 11:56 AM

  FM Nirmala Sitharaman Budget Speech LIVE:'1 કરોડ ઘરોમાં 300 યુનિટ મફત વીજળી'
  નાણામંત્રીએ કહ્યું કે રૂફટોપ સોલાર એનર્જી દ્વારા એક કરોડ ઘરો દર મહિને 300 યુનિટ મફત વીજળી મેળવી શકશે. જેમની 15-18 હજાર રૂપિયાની બચત થશે. ઈ-વાહનોને ચાર્જ કરવા માટે મોટા પાયે સ્થાપન કરવામાં આવશે. આનાથી વિક્રેતાઓને કામ મળશે.

• Thu, Feb 1, 2024, 11:51 AM

  FM Nirmala Sitharaman Budget Speech LIVE: 'નવી ટેક્સ વ્યવસ્થામાં 7 લાખ રૂપિયા સુધીની આવક પર કોઈ ટેક્સ નહીં'

  નાણાપ્રધાન નિર્મલા સીતારમણે કહ્યું કે નવી ટેક્સ વ્યવસ્થામાં 7 લાખ રૂપિયાની આવક પર કોઈ ટેક્સ નહીં લાગે. નાણામંત્રીએ કહ્યું કે દરેકને કાયમી ઘર આપવામાં આવશે. સ્કિલ ઈન્ડિયામાં 1.47 કરોડ યુવાનોને તાલીમ આપવામાં આવી છે. પીએમ મત્સ્ય સંપદા યોજનાનો વિસ્તાર કરવામાં આવશે. માછલીનું ઉત્પાદન બમણું થયું છે. પીએમ મોદીએ જય અનુસંધાનનો નારો આપ્યો છે. તેને સાકાર કરવા માટે પગલાં લેવામાં આવશે. છેલ્લા 4 વર્ષમાં આર્થિક વૃદ્ધિ ઝડપી બની છે. યુવા શક્તિ ટેકનોલોજી યોજના બનાવશે. ત્રણ રેલ કોરિડોર શરૂ કરવામાં આવશે. પેસેન્જર ટ્રેનોના સંચાલનમાં સુધારો થશે. પીએમ ગતિ શક્તિ યોજના હેઠળ કામ ઝડપી કરવામાં આવશે. માલવાહક પ્રોજેક્ટ પણ વિકસાવવામાં આવશે. 40 હજાર સામાન્ય રેલ કોચને વંદે ભારતમાં રૂપાંતરિત કરવામાં આવશે. એરપોર્ટની સંખ્યામાં વધારો થયો છે. એવિએશન કંપનીઓ એક હજાર એરક્રાફ્ટનો ઓર્ડર આપીને આગળ વધી રહી છે.

• Thu, Feb 1, 2024, 11:47 AM

  FM Nirmala Sitharaman Budget Speech LIVE: નાણામંત્રીએ કરી મોટી મોટી જાહેરાતો..

  નાણામંત્રી નિર્મલા સીતારમણની મુખ્ય જાહેરાતો:

  1.  નેનો યુરિયાનો વ્યાપ વધારશે

  2. પાંચ એક્વા પાર્કની સ્થાપના કરવામાં આવશે

  3. 10 વર્ષમાં 149 એરપોર્ટ બનશે

  4. 40 હજાર રેલ્વે બોગીઓને વંદે ભારત પ્રકારની બોગીમાં ફેરવવામાં આવશે.

  5.  નમો મેટ્રો મોટા શહેરોમાં વિસ્તરશે

  6. મેટ્રો નાના શહેરોમાં વિસ્તરશે

  7. હાલની જિલ્લા હોસ્પિટલોને મેડિકલ કોલેજમાં પરિવર્તિત કરવા અંગે સૂચનો આપવા માટે એક સમિતિની રચના કરવામાં આવશે.

  8. આવાસ યોજના હેઠળ 5 વર્ષમાં 2 કરોડ મકાનો બનાવવામાં આવશે

  9.  ડેરી ખેડૂતોને પ્રોત્સાહન આપવામાં આવશે.

  10. નેચરલ ગેસની આયાત વધારશે.

• Thu, Feb 1, 2024, 11:43 AM

  Interim Budget Live Updates: રિસર્ચ માટે વ્યાજમુક્ત ફંડ આપશે સરકાર

  નાણામંત્રી નિર્મલા સીતારામને બજેટમાં કહ્યું હતું કે, લાલ બહાદુર શાસ્ત્રી અને વાજપેયીના અભિયાનને મોદી સરકારે પણ આગળ વધાર્યું છે - જય જવાન, જય કિસાન, જય વિજ્ઞાન, જય અનુસંધાન હેઠળ 1 લાખ કરોડ રૂપિયાનું ફંડ 50 વર્ષ માટે વ્યાજ વિના આપવામાં આવશે. તેનો હેતુ રિસર્ચને પ્રોત્સાહન આપવાનો છે. ખાનગી ક્ષેત્રને પ્રોત્સાહન મળશે. સંરક્ષણ પર ધ્યાન આપવામાં આવશે. નાણામંત્રી નિર્મલા સીતારમણે કહ્યું કે ભારતમાં એક કરોડ મહિલાઓ લખપતિ દીદી બની છે. તેમની મહેનત અને સફળતા અન્ય લોકોને પ્રેરણા આપશે. અમે લખપતિ દીદીઓની સંખ્યામાં વધુ એક કરોડનો વધારો કરીશું.

• Thu, Feb 1, 2024, 11:37 AM

  Budget 2024 LIVE Updates:  વચગાળાના બજેટમાં નાણાં પ્રધાન દ્વારા મોટી જાહેરાતો

  1. સરકાર ઉર્જા સુરક્ષા પર ધ્યાન કેન્દ્રિત કરશે અને નાણાકીય ક્ષેત્ર રોકાણની માંગને પહોંચી વળવામાં મદદ કરશે.

  2. રૂફટોપ સોલારાઇઝેશન દ્વારા 1 કરોડ પરિવારો દર મહિને 300 યુનિટ મફત વીજળી મેળવી શકશે.

  3. પીએમ આવાસ યોજના ગ્રામીણ: 3 કરોડ ઘરોના લક્ષ્યને હાંસલ કરવાની નજીક, વધતા પરિવારોની જરૂરિયાતોને પહોંચી વળવા માટે આગામી પાંચ વર્ષમાં 2 કરોડ વધુ મકાનો બનાવવામાં આવશે.

  4. સરકાર મધ્યમ વર્ગ માટે આવાસ યોજના લાવશે, 3 કરોડ લાખપતિ દીદી બનાવવાનો ટાર્ગેટ

• Thu, Feb 1, 2024, 11:33 AM

  FM Nirmala Sitharaman Budget Speech LIVE: આગામી પાંચ વર્ષ દેશ માટે શાનદાર રહેશે
  નાણામંત્રી નિર્મલા સીતારમણે કહ્યું કે આયુષ્માન ભારત યોજના હેઠળ આશા, આંગણવાડી કાર્યકરો અને સેવિકાઓને પણ હેલ્થ કવર આપવામાં આવશે. નિર્મલા સીતારમણે કહ્યું કે આગામી પાંચ વર્ષ દેશ માટે અભૂતપૂર્વ વિકાસનો સમય હશે, જે વિકસિત ભારતનો માર્ગ મોકળો કરશે. જન ધન ખાતા દ્વારા ડાયરેક્ટ બેનિફિટ ટ્રાન્સફર દ્વારા રૂ. 34 લાખ કરોડ ટ્રાન્સફર કરવામાં આવ્યા હતા, જેના પરિણામે રૂ. 2.7 લાખ કરોડની બચત થઈ હતી. નાણામંત્રીએ જાહેરાત કરી હતી કે મધ્યમ વર્ગ માટે નવી આવાસ યોજના લાવવામાં આવશે.  સંસદમાં તેમના ભાષણમાં, તેમણે કહ્યું કે  જીડીપીને ગર્વમેન્ટ, ડેવલેપમેન્ટ અને પર્ફોમન્સ એમ નવો અર્થ આપવમાં આવ્યો છે. સરકારે સમાવેશી વૃદ્ધિ પર વિશેષ ધ્યાન કેન્દ્રિત કર્યું  છે. દેશમાં 15 AIIMSનું નિર્માણ કરવામાં આવ્યું છે. કરોડો યુવાનો સ્કીલ્ડ ઈન્ડિયા સાથે જોડાયેલા છે. તેમણે કહ્યું કે આગામી પાંચ વર્ષ દેશ માટે શાનદાર રહેશે.

• Thu, Feb 1, 2024, 11:27 AM

  Nirmala Sitharaman Budget Speech: રમત ગમતમાં ભારતે નવા માઈલસ્ટોન મેળવ્યા

  કેન્દ્રીય નાણામંત્રી નિર્મલા સીતારમણે કહ્યું, "દેશને આપણા યુવાનો પર ગર્વ છે કે જેઓ રમતગમતમાં નવી ઊંચાઈઓ સર કરી રહ્યા છે. 2023માં એશિયન ગેમ્સ અને એશિયન પેરા ગેમ્સમાં અત્યાર સુધીની સૌથી વધુ મેડલ મેળવ્યા છે.  ચેસમાં નંબર 1 ખેલાડી પ્રજ્ઞાનંદે 2023ના વિશ્વ ચેમ્પિયન મેગ્નસ કાર્લસનને ટક્કર આપી હતી. આજે ભારતમાં 80 થી વધુ ચેસ ગ્રાન્ડમાસ્ટર છે, જ્યારે 2010 માં આ સંખ્યા 20થી થોડી વધુ હતી.

• Thu, Feb 1, 2024, 11:22 AM

  Interim Budget LIVE Updates: નાણામંત્રી છેલ્લા 10 વર્ષની સિદ્ધિઓ ગણાવી

  વચગાળાનું બજેટ રજૂ કરતાં કેન્દ્રીય નાણાપ્રધાન નિર્મલા સીતારમણે જણાવ્યું હતું કે, "સ્કીલ ઈન્ડિયા મિશને 1.4 કરોડ યુવાનોને પ્રશિક્ષિત કર્યા છે, 54 લાખ યુવાનોને પ્રશિક્ષિત અને પુનઃકુશળ બનાવ્યા છે અને 3000 નવી આઈટીઆઈની સ્થાપના કરી છે. મોટી સંખ્યામાં સંસ્થાકીય ઉચ્ચ શિક્ષણ, એટલે કે 7 આઈઆઈટી. , 16 IIITs, 7 IIMs, 15 AIIMS અને 390 યુનિવર્સિટીઓની સ્થાપના કરવામાં આવી છે.

• Thu, Feb 1, 2024, 11:16 AM

  FM Nirmala Sitharaman Budget Speech LIVE : 4 કરોડ ખેડૂતોને વીમાનો ફાયદો
  નાણામંત્રી નિર્મલા સીતારમણે કહ્યું કે છેલ્લા 10 વર્ષમાં દેશમાં 25 કરોડ લોકો ગરીબીમાંથી બહાર આવ્યા છે અને સરકાર ગરીબોને સશક્ત બનાવી રહી છે. 4 કરોડ ખેડૂતોને પાક વીમાનો લાભ મળ્યો છે. મફત રાશનથી 80 કરોડ લોકોની ભોજનની ચિંતાનો અંત આવ્યો. નાણામંત્રી નિર્મલા સીતારમણે કહ્યું કે છેલ્લા 10 વર્ષમાં દેશમાં 25 કરોડ લોકો ગરીબીમાંથી બહાર આવ્યા છે. નાણાં પ્રધાન નિર્મલા સીતારમણે તેમના વચગાળાના બજેટ ભાષણમાં કહ્યું હતું કે આપણે ગરીબો, મહિલાઓ, યુવાનો અને ખેડૂતો પર ધ્યાન કેન્દ્રિત કરવાની જરૂર છે, તેમની જરૂરિયાતો અને આકાંક્ષાઓ અમારી ટોચની પ્રાથમિકતા છે.

• Thu, Feb 1, 2024, 11:14 AM

  FM Nirmala Sitharaman Budget Speech LIVE: સબકા સાથ સબકા વિકાસ અમારો ગુરૂમંત્ર

  નાણામંત્રી નિર્મલા સીતારમણે કહ્યું કે છેલ્લા 10 વર્ષમાં ભારતીય અર્થવ્યવસ્થામાં અભૂતપૂર્વ પરિવર્તન આવ્યું છે. 2014માં દેશ ભારે પડકારોનો સામનો કરી રહ્યો હતો. સરકારે તે પડકારોને પાર કર્યા છે. દેશની જનતા ભવિષ્ય તરફ જોઈ રહી છે. તેઓ આશાવાદી છે. અમે પીએમ મોદીના નેતૃત્વમાં આગળ વધી રહ્યા છીએ. જ્યારે પીએમ મોદીએ 2014માં કામ શરૂ કર્યું ત્યારે ઘણા પડકારો હતા. લોકહિતમાં કામગીરી શરૂ કરવામાં આવી છે. લોકોને મહત્તમ રોજગારીની તકો આપવામાં આવી છે. દેશમાં એક નવો હેતુ અને આશા જાગી છે. જનતાએ અમને બીજી વખત સરકાર માટે ચૂંટ્યા. અમે સર્વગ્રાહી વિકાસની વાત કરી. દરેકનો સાથ, દરેકનો વિશ્વાસ અને દરેકના પ્રયાસના મંત્ર સાથે આગળ વધ્યા છીએ.

• Thu, Feb 1, 2024, 11:11 AM

  FM Nirmala Sitharaman Budget Speech LIVE: સામાજિક જસ્ટિશ પર ભાર મૂકવો પડશે

  વચગાળાનું બજેટ રજૂ કરતાં નાણાં પ્રધાન નિર્મલા સીતારમણે કહ્યું, "2047માં વિકસિત ભારત બનાવવા માટે, સામાજિક જસ્ટિશ પર ભાર મૂકવો પડશે. પહેલા આના પર રાજનીતિ હતી. હવે આ ગવર્નન્સ મોડલ છે. આ વાસ્તવિક ધર્મનિરપેક્ષતા છે." દરેક માટે અહીં જગ્યા છે. આ ભાઈ ભત્રીજાવાદમાં નથી માનતા. દરેકને સમાન તક મળી રહી છે."

• Thu, Feb 1, 2024, 11:10 AM

  FM Nirmala Sitharaman Budget Speech LIVE:  2047 સુધીમાં ભારતને વિકસિત દેશ બનશે: નિર્મલા સીતારમણ
  નાણાપ્રધાન નિર્મલા સીતારમણે તેમના સંબોધનમાં કહ્યું કે અમારી સરકારે રેકોર્ડ સમયમાં લોક કલ્યાણ યોજનાઓ પૂર્ણ કરી છે. અમે 2047 સુધીમાં વિકસિત ભારત બનાવીશું. દેશમાં 80 કરોડ લોકોને ભોજન પૂરું પાડવામાં આવ્યું છે. અમારી સરકારનો ભાર ગામડાઓના વિકાસ પર છે. અમારી સરકારમાં દેશમાં નોકરીની તકો વધી છે. ખેડૂતોની આર્થિક આવકમાં વધારો થયો છે.

• Thu, Feb 1, 2024, 11:07 AM

  FM Nirmala Sitharaman Budget Speech LIVE: PM મોદીના નેતૃત્વમાં દેશ આગળ વધી રહ્યો છે: નિર્મલા સીતારમણ

  નાણામંત્રી નિર્મલા સીતારમણે કહ્યું કે છેલ્લા 10 વર્ષમાં સકારાત્મક ફેરફારો થયા છે. પીએમ મોદીના નેતૃત્વમાં દેશ ઝડપથી આગળ વધી રહ્યો છે. વિકાસનો લાભ સામાન્ય લોકોને મળી રહ્યો છે. સબકા સાથ અને સબકા વિકાસ એ અમારી સરકારનો મૂળ મંત્ર છે. કોરોના બાદ અર્થવ્યવસ્થા ઝડપથી આગળ વધી છે. લોકોને રોજગારીની નવી તકો મળી અને અમારી સરકારે યુવાનોની દેશની આકાંક્ષાઓને પૂર્ણ કરી અને અમારી સરકારનો ભાર ગામડાઓમાં લોકોના વિકાસ પર છે.

• Thu, Feb 1, 2024, 11:06 AM

  મોદી સરકારનું વચગાળાનું બજેટ 
  

• Thu, Feb 1, 2024, 10:58 AM

  કેન્દ્રીય વચગાળાનું બજેટ રજૂ કરતા પહેલા કોંગ્રેસના સાંસદ કે. સુરેશે કહ્યું, “અમે આશા રાખીએ છીએ કે આ ચૂંટણીલક્ષી બજેટ હશે. ભાજપ ફરી જીતીને સત્તામાં આવવા માંગે છે. તેથી, તેમાં કંઈક ડ્રામા હશે. એક તરફ તેઓ (ભાજપ) સામાન્ય લોકોની વાત કરે છે અને બીજી તરફ કોમર્શિયલ ગેસ સિલિન્ડરના ભાવ વધારીને જનવિરોધી નીતિઓ અમલમાં મૂકી રહ્યા છે.

  વચગાળાના બજેટ 2024 પર, સીપીઆઈ સાંસદ પી સંતોષ કુમાર કહે છે, "અમારે જોવું પડશે કે સરકાર કોઈ જનહિતકારી નીતિ લાવશે કે કેમ. આ સરકાર સામાન્ય લોકો માટે કંઈ કરી રહી નથી. મને સરકાર પાસેથી કોઈ સકારાત્મક અપેક્ષા નથી. તે ચૂંટણીનું વર્ષ છે, તેથી સરકાર કેટલીક લોકપ્રિય જાહેરાતો કરી શકે છે."

• Thu, Feb 1, 2024, 10:57 AM

  કોંગ્રેસના સાંસદ પ્રમોદ તિવારીએ કહ્યું, "આ મોદી સરકારનું છેલ્લું બજેટ છે, જે રીતે મોંઘવારી, બેરોજગારી છે અને તેઓ ચૂંટાયેલી સરકારને પછાડી રહ્યા છે, પીએમ મોદી ફરી સત્તામાં નહીં આવે. આ દેશની સૌથી મોટી સમસ્યા મોંઘવારી છે અને બેરોજગારી.", હું જોવા માંગુ છું કે તેઓએ આ અંગે શું પગલાં લીધાં છે..."
  

• Thu, Feb 1, 2024, 10:37 AM

  વચગાળાનું બજેટ 2024 રાષ્ટ્રપતિ દ્વારા મંજૂર કરવામાં આવ્યું છે. રાષ્ટ્રપતિ મુર્મુએ નાણામંત્રીને દહીં-ખાંડ ખવડાવ્યા હતા. આ પછી નાણામંત્રી નિર્મલા સીતારમણ સંસદ પહોંચ્યા છે. બજેટને મંજૂરી માટે કેબિનેટ મીટિંગ શરૂ થઈ છે. જેમાં કેબિનેટની મંજૂરી મળ્યા બાદ તેને સવારે 11 વાગ્યે સંસદમાં રજૂ કરવામાં આવશે.

• Thu, Feb 1, 2024, 10:32 AM

  ગુરુવારે (01 ફેબ્રુઆરી 2024) સવારે 11 વાગ્યે વચગાળાનું બજેટ રજૂ કરવામાં આવશે. કેન્દ્રીય નાણાં અને કોર્પોરેટ બાબતોના પ્રધાન નિર્મલા સીતારમણ, રાજ્યના પ્રધાનો ડૉ. ભગવત કિશનરાવ કરાડ અને પંકજ ચૌધરી અને નાણાં મંત્રાલયના વરિષ્ઠ અધિકારીઓ રાષ્ટ્રપતિ ભવન ખાતે કેન્દ્ર સરકારને રજૂ કરતા પહેલા બજેટ. રાષ્ટ્રપતિ દ્રૌપદી મુર્મુને મળ્યા.