લોકસભા ચૂંટણી 2019: ભાજપના ઉમેદવારોની સંભવિત પ્રથમ યાદી, જાણો કોને મળશે ટિકિટ
બિહાર, જમ્મૂ કાશ્મીર, મહારાષ્ટ્ર, તેલંગણા, ઉત્તરાખંડ અને પૂર્વના 7 રાજ્યોની લોકસભા બેઠકોના નામ પર ચર્ચા પૂરી થઇ ગઇ છે. માનવામાં આવી રહ્યું છે કે, ભાજપ આજે તેમના ઉમેદવારોની સંભવિત પ્રથમ યાદી જાહેર કરી શકે છે.
નવી દિલ્હી: લોકસભા ચૂંટણી 2019 (lok sabha elections 2019) માટે ઉમેદવારોનું નામ નક્કી કરવા માટે ભાજપ થોડા દિવસોથી મંથન કરી રહ્યું છે. સૂત્રોના જણાવ્યા અનુસાર, 16 માર્ચથી ચાલી રહેલા આ મંથનમાં બિહાર, જમ્મૂ કાશ્મીર, મહારાષ્ટ્ર, તેલંગણા, ઉત્તરાખંડ અને પૂર્વના 7 રાજ્યોની લોકસભા બેઠકોના નામ પર ચર્ચા પૂરી થઇ ગઇ છે. માનવામાં આવી રહ્યું છે કે, ભાજપ આજે તેમના ઉમેદવારોની સંભવિત પ્રથમ યાદી જાહેર કરી શકે છે.
વધુમાં વાંચો: વાવાઝોડાના વિનાશની ધાર પર છે આ દેશ, મદદ માટે પહોંચ્યા ભારતીય નૌકાદળના 3 યુદ્ધ જહાજ
ત્યારે સૂત્રોના જણાવ્યા અનુસાર, શનિવારે યોજાયેલી ભાજપની કેન્દ્રીય ચૂંટણી સમિતિની બેઠકમાં મોટા નામો પર ચર્ચા થઇ છે. તેમાં રવિશંકર પ્રસાદથી લઇે સ્મૃતિ ઇરાની સુધીના નામ સામેલ છે. સૂત્રોના જણાવ્યા અનુસાર સંભવિત નામ પણ નક્કી થઇ ગયા છે. જેમને પાર્ટી ચૂંટણી મેદાનમાં ઉતારી શકે છે. સૂત્રો એ પણ કહી રહ્યાં છે કે, પટના સાહિબથી આ વખતે ભાજપ શત્રુઘ્ન સિન્હાની જગ્યા રવિશંક પ્રસાદને મેદનામાં ઉતારી શકે છે. ત્યારે બિહારની ભાગલપુર બેઠક જેડીયૂને આપવાનો નિર્ણય પણ કર્યો છે.