Lok Sabha Election 2024: ગુજરાત બાદ અહીં પણ રાજપૂતો લાલઘૂમ, કહ્યું-હંમેશા ભાજપને મત આપીએ છીએ પરંતુ...

ભાજપ કે કોંગ્રેસ કોઈ નહીં કે બીજો કોઈ પક્ષ નહીં. કોઈ કામ કરતું નથી તો અમારા હકને બેકાર કરવો એ મંજૂર નથી. અમે મતદાનનો બહિષ્કાર કરીએ છીએ. મત માંગવા આવ્યા નહીં, મતદાન કરાવનારા મોકલી દીધા. અમે મોદી-યોગીના સમર્થક છીએ અને હંમેશા ભાજપને મત આપતા આવ્યા છીએ પરંતુ આ વખતે ધીરજનો બંધ તૂટી ગયો છે કારણ કે છેલ્લા કેટલાક વર્ષોથી ન તો ગામમાં રસ્તાઓ સુધર્યા છે ન તો વીજળી કે પાણીની કોઈ સુવિધા મળી છે. આથી લોકસભા ચૂંટણી 2024ના મતદાનના  બહિષ્કારનો નિર્ણય લીધો. આ મામલો ઉત્તર પ્રદેશના બુલંદ શહેરનો છે. જ્યાં રાજપૂતોએ આજે મતદાનનો બહિષ્કાર કર્યો. અત્રે જણાવવાનું કે આજે 88 બેઠકો પર બીજા તબક્કાનું મતદાન ચાલુ છે. 

કેમ ભડકી ગયા સ્થાનિકો
મીડિયા રિપોર્ટ મુજબ હવે જોવાનું એ છે કે રાજપૂતોની નારાજગીની કેટલી અસર પરિણામો પર પડે છે. પરંતુ ડિબાઈ વિધાનસભા ક્ષેત્રના ગામ રામપુરમાં, ગામ યાવાપુર ખુર્દમાં, ઉંચાઈગાંવ વિકાસ ખંડ ક્ષેત્રના ગામ મદનગઢમાં અને શિકારપુરના બ્લોક પહાસુના ગામ અકરવાસમાં ગ્રામીણોએ મતદાનનો બહિષ્કાર કરીને ભારે વિરોધ વ્યક્ત કર્યો.