આ કેદી નંબર 3351, જેલની કોટડીમાં રહીને BJP માટે ઊભી કરે છે `પારાવાર` મુશ્કેલીઓ

પટણા: રવિવારના અંતિમ તબક્કાના મતદાન સાથે જ લોકસભા ચૂંટણી 2019 લગભગ પૂરી થઈ જશે. આ વખતે ચૂંટણીમાં ભાજપ વિરુદ્ધ વિપક્ષની લડાઈ જોવા મળી. આ ચૂંટણીમાં બિહારના રાજકારણમાં એક એવા રાજનેતાએ ભાજપ માટે અડચણો પેદા કરી જે જેલમાં સજા કાપી રહ્યાં છે. આ રાજનેતા બીજુ કોઈ નહીં પરંતુ રાષ્ટ્રીય જનતા દળ (બીજેપી)ના અધ્યક્ષ લાલુપ્રસાદ યાદવ છે. 

લાલુપ્રસાદ યાદવ ભલે બિહારની રાજધાની પટણાથી લગભગ 300 કિમી દૂર ઝારખંડની રાજધાની રાંચીમાં હોટવાર જેલમાં ચર્ચિત ચારા કૌભાંડના અનેક મામલે સજા કાપી રહ્યાં હોય, પરંતુ બિહારમાં અનેક વર્ષોથી રાજકારણની એક ધૂરી  બની ગયેલા લાલુ આ વખતે પણ પોતાની જાતને રાજકારણથી દૂર રાખી શક્યા નહીં. આરજેડી અને તેમનો પરિવાર પણ કોઈના કોઈ બહાને લાલુને ચૂંટણી સાથે જોડવામાં કોઈ કસર છોડતો નથી. પાર્ટી પણ લાલુની સહાનુભૂતિની લહેરમાં પોતાની ચૂંટણી નૈયા પાર કરવામાં લાગી છે. 

પત્ર લખીને મહાગઠબંધન માટે મત માંગ્યા
બિહારમાં આરજેડીના પ્રચારની કમાન સંભાળી રહેલા લાલુ પ્રસાદના પુત્ર તેજસ્વી યાદવ હોય કે તેમની બહેન અને પાટલીપુત્રથી ઉમેદવાર મીસા ભારતી સહિત આરજેડીના કોઈ નેતા, તેમની ચૂંટણી જનસભા લાલુના નામ વગર પૂરી થતી નથી. આરજેડીના નેતા આ દરમિયાન લાલુને ષડયંત્ર હેઠળ ફસાવવાની વાત કરીને સહાનુભૂતિ મેળવવાની પણ કોશિશ કરી રહ્યાં છે. 

જુઓ LIVE TV