લોકસભા ચૂંટણી 2019 : કોંગ્રેસે 9 ઉમેદવારોની છઠ્ઠી યાદી બહાર પાડી

નવી દિલ્હીઃ લોકસભા ચૂંટણી 2019ની તારીખો જાહેર થવાની સાથે જ રાજકીય પક્ષોએ પોતાના ઉમેદવારોની યાદી બહાર પાડવાનું શરૂ કરી દેવાયુ છે. દેશની સૌથી જૂની પાર્ટી કોંગ્રેસ આ બાબતમાં સૌથી આગળ છે. મંગળવારે રાત્રે તેણે 9 ઉમેદવારોની છઠ્ઠી યાદી બહાર પાડી છે. ગઈકાલે તેણે 56 ઉમેદવારોના નામ સાથેની પાંચમી યાદી બહાર પાડી હતી. 

કોંગ્રેસની છઠ્ઠી યાદીમાં મહારાષ્ટ્રની 7 સીટ અને કેરળની 2 સીટ માટે ઉમેદવારોના નામની જાહેરાત કરાઈ છે. મહારાષ્ટ્રની નંદુરબાર, ધુલે, વર્ધા, યવતમાલ-વાશીમ, મુંબઈ દક્ષિણ-મધ્ય, શીરડી(એસસી) અને રત્નાગિરી-સિંધુદૂર્ગ સીટના ઉમેદવારોના નામ જાહેર કરાયા છે.કેરળમાં અલાપુઝા અને અતિંગલ સીટના ઉમેદવાર જાહેર કરાયા છે. 

કોંગ્રેસે કેરળની અલીપુઝા સીટ પર શનિમોલ ઉસ્માનના નામની જાહેરાત કરી છે. જોકે, આ બેઠક પર કે.સી. વેણુગોપાલ વર્તમાન સાંસદ છે. એટલે કે, કોંગ્રેસે વર્તમાન સાંસદની ટિકિટ કાપીને નવા ઉમેદવારને ટિકિટ આપી છે.