Maharashtra Political Crisis: ગુવાહાટીમાં એકનાથ શિંદેનું `શક્તિ પ્રદર્શન`, `શિંદેસાહેબ તુમ આગે બઢો...`ના સૂત્રોચ્ચાર

Maharashtra Political Drama: મહારાષ્ટ્રના રાજકારણમાં હાલ જબરદસ્ત ઉથલપાથલ છે. શિવસેનામાં ફૂટના કારણે જાણે રાજકીય ભૂકંપ આવી ગયો છે. ઉદ્ધવ ઠાકરે પોતાની ખુરશી અને પાર્ટીને બચાવવાની કોશિશમાં લાગ્યા છે.  પરંતુ તેમની આ કોશિશ સફળ થતી જોવા મળી રહી નથી. રિપોર્ટ મુજબ ઉદ્ધવ ઠાકરેની અપીલ છતાં પણ પાર્ટીના વધુ કેટલાક વિધાયકોએ બળવો પોકાર્યો છે અને ગુવાહાટીમાં એકનાથ શિંદે પાસે પહોંચી ગયા છે.

ઉદ્ધવ જલદી વર્ષા પાછા ફરશે-સંજય રાઉત
શિવસેનાના નેતા સંજય રાઉતે કહ્યું કે ઉદ્ધવ ઠાકરે બહુ જલદી વર્ષા બંગલામાં પાછા ફરશે. ગુવાહાટીમાં 21 વિધાયકોએ અમારો સંપર્ક કર્યો છે અને જ્યારે તેઓ મુંબઈ પાછા ફરશે ત્યારે તેઓ અમારી સાથે આવશે.