Maharashtra: નિતિન દેશમુખનું ચોંકાવનારું નિવેદન- `સુરતમાં મારી તબિયત બગડી જ નહતી, મને નજરકેદ કર્યો હતો`

મહારાષ્ટ્રમાં શિવસેનાના બળવાખોર નેતા એકનાથ શિંદેએ દાવો કર્યો છે કે તેમની સાથે 46 ધારાસભ્યો છે. જો કે આ બધા વચ્ચે તેમના જૂથના એક શિવસેના ધારાસભ્ય નાગપુર પાછા ફર્યા છે. શિંદે જૂથમાંથી પાછા ફરેલા નિતિન દેશમુખે નાગપુર પહોંચતા જ જે નિવેદન આપ્યું તે ચોંકાવનારું છે કારણ કે તેમણે અપહરણનો આરોપ લગાવ્યો છે. 

નાગપુર પાછા ફરેલા શિવસેનાના ધારાસભ્ય નિતિન દેશમુખે કહ્યું કે તેમનું અપહરણ થયું હતું અને સુરત લઈ જવાયા હતા.જ્યાંથી તેઓ પાછા આવી ગયા છે. તેમણે કહ્યું કે તેઓ બાળાસાહેબ ઠાકરેના સાચા શિવસૈનિક છે અને તેઓ ઘરે પાછા ફર્યા છે. નિતિન અકોલા જિલ્લાના બાલાપુરથી શિવસેના ધારાસભ્ય છે.