Mahashivratri 2022: મહા શિવરાત્રિ પર આવી રીતે કરો મહાદેવનો રુદ્રાભિષેક, દરેક સંકટમાંથી મળશે મુક્તિ

નવી દિલ્લીઃ મહાશિવરાત્રિના પાવન પર્વ  માર્ચ મંગળવારે મનાવાશે. મહા શિવરાત્રિ પર ભગવાન શિવને પ્રસન્ન કરવા માટે રુદ્રાભિષેક ખુબ જ ખાસ માનવામાં આવે છે. વેદોમાં પણ રુદ્રાભિષેકના મહિમા વિશે વર્ણન કરવામાં આવ્યું છેય યજુર્વેદમાં કહેવામાં આવ્યું છે કે, ઘર પર અથવા શિવ મંદિરમાં રુદ્રાભિષેક કરવું અત્યંત લાભદાયી હોય છે. રુદ્રાભિષેક કરવાથી ગ્રહ-નક્ષત્રોનો ખરાબ પ્રભાવ ખતમ થઈ જાય છે. સાથે જ જીવનમાં આવી રહેલી બાધાઓ પણ દૂર થઈ જાય છે. તમને જણાવીએ રુદ્રાભિષેક કરવાની સાચી વિધિ. 

રુદ્રાભિષેક વિધિઃ
રૂદ્રાભિષેક માટે શિવલિંગ ઉત્તર દિશામાં રાખવું જોઈએ. અભિષેક કરનાર વ્યક્તિ અથવા અન્ય લોકો માટે પૂર્વ દિશા તરફ મુખ કરવું શ્રેષ્ઠ માનવામાં આવે છે. સૌપ્રથમ શિવલિંગ પર શ્રીંગી (અભિષેક પાત્ર) વડે ગંગાજળ ચઢાવો અને પછી અભિષેક શરૂ કરો. રુદ્રાભિષેક વખતે મહામૃત્યુંજય મંત્ર, શિવ તાંડવ સ્તોત્ર, શિવ પંચાક્ષર મંત્ર (નમઃ શિવાય) અથવા રુદ્ર મંત્રનો જાપ કરવો જોઈએ. પૂજા કરતી વખતે શિવલિંગ પર ચંદનનો લેપ લગાવો. આ પછી શિવલિંગ પર પૂજા સામગ્રી ચઢાવો. આ પછી શિવજીને ભોગ ધરાવો. તેમજ શિવ મંત્રનો 108 વાર જાપ કરો. આ કર્યા પછી પરિવારે શિવની આરતી કરવી જોઈએ. શિવની આરતી પછી આખા ઘરમાં અભિષેકનું પાણી છાંટવું. અભિષેક દરમિયાન સતત શિવ મંત્રોનો જાપ કરવો શુભ માનવામાં આવે છે.

અભિષેકની પહેલાં આ દેવી-દેવતાઓનું આહવાનઃ
રુદ્રાભિષેક એ એક મહત્વપૂર્ણ પૂજા છે. અભિષેક શરૂ કરતા પહેલા દેવતાઓનું આહ્વાન કરવું જરૂરી છે. સૌ પ્રથમ આપણે ભગવાન ગણેશનું આહ્વાન કરીએ છીએ. આ પછી માતા પાર્વતી, નવગ્રહ, માતા પૃથ્વી, બ્રહ્મદેવ, માતા લક્ષ્મી, અગ્નિ દેવ, સૂર્યદેવ અને માતા ગંગાનું આહ્વાન અને પૂજા કરવામાં આવે છે. આ પછી અક્ષત, રોલી અને ફૂલ ચઢાવીને તમામ દેવતાઓની સ્તુતિ કરવામાં આવે છે. આ પછી રુદ્રાભિષેક શરૂ કરવામાં આવે છે.

રુદ્રાભિષેક માટે પૂજન સામગ્રીઃ
રૂદ્રાભિષેકની પૂજા સામગ્રીમાં ગાયનું શુદ્ધ ઘી, સોપારી, ફૂલ, ચંદન, ધૂપ, સુગંધ, કપૂર, બેલપત્ર, મીઠાઈઓ, મોસમી ફળો, મધ, દહીં, તાજું દૂધ, ગુલાબજળ, ડ્રાયફ્રૂટ્સ, પંચામૃત, નારિયેળ પાણી, શેરડીનો રસનો સમાવેશ થાય છે. ચંદનનું પાણી, ગંગાજળ, શુદ્ધ પાણી, સોપારી અને નારિયેળનો પણ સમાવેશ થાય છે. રુદ્રાભિષેક શરૂ કરતા પહેલા તેમને એકત્રિત કરો. રુદ્રાભિષેકમાં સૌથી મહત્વની વસ્તુ શ્રૃંગી (અભિષેકનું પાત્ર) છે. પિત્તળની શૃંગીને અભિષેક માટે શ્રેષ્ઠ માનવામાં આવે છે. જો કે, અન્ય કોઈપણ ધાતુના શિંગડા પણ વાપરી શકાય છે. રૂદ્રાભિષેક વખતે આ બાબતોનું ખાસ ધ્યાન રાખવું જોઈએ.