Watch: મહોબામાં ખતરનાક અકસ્માત.. ડમ્પરે સ્કૂટી સાથે માસૂમને 2 કિમી સુધી ઢસેડ્યો, દાદા-પૌત્રનું મોત

મહોબાઃ Mahoba News: મહોબામાં એક ખતરનાક ઘટના જોવા મળી છે. અહીં પૂર ઝડપે આવી રહેલા ટ્રકે પહેલા સ્કૂટીને ટક્કર મારી અને દુર્ઘટનામાં દાદા-પૌત્રનું મોત થઈ ગયું છે. ટ્રક ચાલક ત્યાં રોકાયો નહીં તેણે સ્કૂટીને બે કિલોમીટર સુધી ઢસેડી હતી. જેનો હચમચાવી દેતો વીડિયો પણ સામે આવ્યો છે. હકીકતમાં આ દુર્ઘટના શનિવારે થઈ, જ્યારે દાદા-પૌત્ર સ્કૂટી પર સવાર હતા અને ટ્રકે સ્કૂટીને ટક્કર મારી દીધી અને સ્કૂટી પર સવાર બંનેને કચડી નાખ્યા હતા. દુર્ઘટના એટલી ખતરનાક હતી કે 2 વર્ષનો માસૂમ ટ્રકમાં ફસાયેલો રહ્યો અને 2 કિલોમીટર સુધી ઢસડાયો હતો. 

સ્થાનીક લોકો દ્વારા ટ્રક પર પથ્થર ફેંક્યા ત્યારે ચાલકે ટ્રક રોક્યો હતો. પરંતુ ત્યાં સુધી માસૂમનું મોત થઈ ગયું હતું. ઘટનાની જાણ થતાં એસડીએમ અને સીઓ સહિત કોતવાલી પોલીસ સ્થળ પર પહોંચી હતી. દુર્ઘટના બાદ લોહીથી લથપથ બંનેને હોસ્પિટલ લઈ જવામાં આવ્યા હતા. જ્યાં ડોક્ટરોએ બંનેને મૃત જાહેર કર્યાં હતા. આ દુર્ઘટના બાદ પરિવારજનો શોકમાં છે. જે લોકો પણ આ અકસ્માત વિશે સાંભળી રહ્યાં છે તેના રૂવાંટા ઉભા થઈ ગયા છે.