Manipur: નોની જિલ્લામાં ભૂસ્ખલનથી 7 લોકોના મોત, હજુ 45 લોકો ગૂમ, સેનાએ સંભાળ્યો મોરચો

Massive Landslide in Manipur: પૂર્વોત્તર રાજ્ય મણિપુરમાં બુધવારે મોડી રાતે નોની જિલ્લામાં તુપુલ રેલવે સ્ટેશન પર ભીષણ ભૂસ્ખલન બાદ ભારતીય સેનાના અનેક જવાનો અને કેટલાક નાગરિકો ગૂમ થઈ ગયા. અત્યાર સુધીમાં સાત લોકોના મૃતદેહો મળી આવ્યા છે. હજુ પણ 45 જેટલા લોકો ગૂમ છે. 

મળતી માહિતી મુજબ જિરીબામથી ઈમ્ફાલ સુધી નિર્માણધીન રેલવે લાઈનની સુરક્ષા માટે રાજ્યના નોની જિલ્લામાં તુપુલ રેલવે સ્ટેશન પાસે તૈનાત ભારતીય સેનાની 107 પ્રાદેશિક સેનાની કંપનીના સ્થાને ભૂસ્ખલન થયું. ત્યારબાદ અનેક લોકો તેમાં દટાઈ ગયા. જેમને કાઢવા માટે રેસ્ક્યૂ ઓપરેશન ચાલુ છે. સુરક્ષિત બહાર કાઢેલા લોકો હોસ્પિટલમાં સારવાર હેઠળ છે.