New Rules: હવે કોમર્સના વિદ્યાર્થીઓ પણ કરી શકશે Engineering, Maths અને Physics ની નહી પડે જરૂર

નવી દિલ્હી: ઓલ ઇન્ડીયા કાઉંસિલ ફોર ટેક્નિકલ એજ્યુકેશન (AICTE) એ એંજીનિયરિંગ (Engineering) કરનાર વિદ્યાર્થીઓ માટે મોટી જાહેરાત કરી છે. તેના અનુસાર હવે 12મા ધોરણમાં મેથ્સ (Maths) અને ફીજિક્સ (Physics) નો અભ્યાસ કર્યા વિના વિદ્યાર્થીઓ B.Tech માં એડમિશન લઇ શકશે. આ વ્યવસ્થા નવા એકેડમિક ઇયર (2021-22) થી શરૂ થશે. 

આ વર્ષથી લાગૂ થશે આ નિયમ
નવા નિયમ અનુસાર B.Tech માં એડમિશન માટે વિદ્યાર્થીઓને 12માં ઓછામાં 45 ટકા માર્ક્સની જરૂર પડશે. આ સાથે જ 14 વિષયની યાદીમાં ગમે તે 3 વિષયમાં પાસ હોવું જરૂરી રહેશે. 14 વિષયમાં મેથ્સ, ફીજિક્સ, કેમિસ્ટ્રી, કોમ્યુટર સાયન્સ, ઇલેક્ટ્રોનિક્સ, આઇટી, બાયોલોજી, ઇનફોર્મેટિક્સ પ્રેક્ટિસ, બાયોટેક્નોલોજી, ટેક્નિકલ બિઝનેસ વિષય, એંજીનિયરિંગ ગ્રાફિક્સ, બિઝનેસ સ્ટડીઝ, આંત્રપ્રેન્યોરશિપ સામેલ છે. આ વિષયોમાંથી કોઇ ત્રણ વિષયમાં 45 ટકા નંબર લાવવા પડશે. આ સાથે જ રિઝર્વ કેટેગરીના વિદ્યાર્થીઓને ઓછામાં ઓછા 40 નંબર લાવવા પડશે.  

કોમર્સના વિદ્યાર્થી પણ લઇ શકશે એડમિશન
AICTE એ યૂનિવર્સિટીઝને કહ્યું કે અલગ-અલગ બેકગ્રાઉન્ડથી આવનાર વિદ્યાર્થીઓને મેથ્સ, ફીજિક્સ, એંજીનિયરિંગ ડ્રોઇગનો બ્રિજ કોર્સ કરાવવામાં આવે. જેથી તે બીઇ, બીટેક પ્રોગ્રામની જરૂરિયાત અનુસાર યોગ્યતા પ્રાપ્ત કરી શકે. આ ઉપરાંત એંજીનિયરિંગમાં 3 વર્શનો ડિપ્લોમા કરનારને પણ B.Tech માં લેટરલ એન્ટ્રી એડમિશન મળી શકે. એવામાં જો લેટરલ વેકેન્સી પુરી થઇ જશે, તો ફર્સ્ટ ઇયરમાં ખાલી સીટોના આધારે એડમિશન મળી શકશે.