હચમચાવી નાખે તેવો કિસ્સો, માનસિક રીતે અસ્થિર પુત્ર 3 દિવસ સુધી પિતાની લાશ ખાતો રહ્યો

પલામુ: ઝારખંડના પલામુ જિલ્લામાં હચમચાવી નાખે તેવો કિસ્સો સામે આવ્યો છે. એક પુત્ર તેના જ પિતાના મૃતદેહને ત્રણ દિવસથી ખાઈ રહ્યો હતો. લાશમાંથી દુર્ગંધ આવવા માંડતા આસપાસના લોકોએ પોલીસને સૂચના આપી. જ્યારે પોલીસ ઘટનાસ્થળે પહોંચી તો ઘરની અંદર છાતીના પાટ્યા બેસી જાય તેવું જોવા મળ્યું. 

આ ઘટના પાંકી પોલીસ સ્ટેશનના હદમાં આવતા ડંડાર ગામની છે જ્યાં એક અંતરિયાળ ગામ છે. સુરેશ મોચી નામના વ્યક્તિનું 3 દિવસ પહેલા મોત થઈ ગયું હતું. તેનો મૃતદેહ ઘરમાં જ દોરડે લટકી રહ્યો હતો. માનસિક રીતે અસ્થિર પુત્રએ પિતાના આ મૃતદેહને ખાવાનું શરૂ દીધું. ત્રણ દિવસથી તે આ મૃતદેહ ખાઈ રહ્યો હતો. જ્યારે મૃતદેહની દુર્ગંધ આસપાસમાં પ્રસરી તો લોકોએ પોલીસને જાણ કરી. 

પોલીસ જ્યારે ઘટનાસ્થળે પહોંચી તો દરવાજો તોડીને ઘરમાં પ્રવેશી હતી. અંદર પ્રવેશતા જ જે દ્રશ્ય જોવા મળ્યું તે હચમચાવી નાખે તેવું હતું. ઘરમાં સુરેશનો મૃતદેહ ફાંસો ખાધો હોવાથી લટકી રહ્યો હતો અને તેમનો માનસિક રીતે અસ્થિર પુત્ર તેને આરોગી  રહ્યો હતો. 

જુઓ LIVE TV