કન્નૌજમાં માતાએ ભૂખથી તડપતા 7 મહિનાના બાળકનું ગળું દબાવીને હત્યા કરી નાખી

કન્નૌજ (અજીત શ્રીવાસ્તવ): કન્નૌજમાં ભૂખથી તડપતા 7 મહિનાના બાળકને તેની માતાએ ગળું દબાવીને હત્યા કરી નાખી. તાવથી તડપતા બાળકને લઈને રુખસાર ડોક્ટર પાસે પહોંચી હતી. પરંતુ તેઓ ઉધારી ચૂકવ્યા વગર દવા આપવા તૈયાર થયા નહીં. આ બધા વચ્ચે બાળક ભૂખના કારણે તરફડતું હતું. પોલીસ પૂછપરછમાં રૂખસારે જણાવ્યું કે તે 3 દિવસથી બાળક માટે દૂધની વ્યવસ્થા કરી શકતી નહતી. આથી તેણે ગળું દબાવીને હત્યા કરી. 

કન્નૌજના છિબરામઉ અંતર્ગત આવતા વિસ્તારમાં પાઈ પાઈ માટે મોહતાજ મહિલાથી જ્યારે ભૂખથી તડપતા બાળકની ચીસો સહન ન થઈ તો તેણે બાળકનું ગળું દબાવીને મારી નાખ્યું. મામલાની વિગતો પોલીસ સુધી પહોંચતા પોલીસ ત્યાં પહોંચી. પોલીસના જણાવ્યા મુજબ છિબરામઉના બિરતિયા મોહલ્લાની રૂખસારને 3 બાળકો છે. 

રૂખસારનો પતિ શાહિદ મુંબઈમાં નોકરી કરે છે. શાહિદ સાથે તેને ઝગડો થયો. આ જ કારણે 4-5 મહિનાથી તે રૂપિયા ઘરે મોકલતો નહતો. મુશ્કેલીભર્યા હાલાતમાં રૂખસાર કોઈ પણ પ્રકારે બાળકોનું પેટ ભરતી હતી. થોડા સમય પહેલા તેના 8 મહિનાના બાળક અહદને લોહીમાં ઈન્ફેક્શન થઈ ગયું હતું. દાગીના અને ઘરનો સામાન વેચીને 90 હજાર રૂપિયા ભેગા કરી આગરામાં અહદની સારવાર કરાવવામાં આવી. 3-4 દિવસથી તેની પાસે એક રૂપિયો પણ નહતો. 

જુઓ LIVE TV