MPમાં સરકાર બનાવવાની તૈયારીમાં ભાજપ! કાયદાકીય સલાહ લઈ રહ્યાં છે રાજ્યપાલ

ભોપાલઃ મધ્યપ્રદેશમાં રાજકીય તોફાન ચાલી રહ્યું છે. હોળીના જશ્ન વચ્ચે જ્યોતિરાદિત્ય સિંધિયાએ કોંગ્રેસના રંગમાં ભંગ મેળવી દીધો છે. 18 વર્ષ સુધી કોંગ્રેસના હાથનો સાથ આપનાર જ્યોતિરાદિત્ય સિંધિયાએ મુખ્યપ્રધાન કમલનાથ અને પાર્ટીના સીનિયર નેતાઓથી નારાજગીને કારણે પાર્ટીમાંથી રાજીનામું આપી દીધું છે. સિંધિયાના સમર્થનમાં કોંગ્રેસના 22 ધારાસભ્યોએ પાર્ટીને બાય-બાય કરી દીધું છે.