VIDEO: ફ્રાન્સમાં મુસલમાનોએ ત્રિરંગા સાથે PM મોદીનું કર્યું ભવ્ય સ્વાગત, પાકિસ્તાનના પેટમાં તેલ રેડાયું

પેરિસ: ફ્રાન્સના રાજકીય પ્રવાસે ગયેલા નરેન્દ્ર મોદીનું પેરિસમાં ભવ્ય સ્વાગત થયું. પેરિસના એરપોર્ટ પર ગુજરાતના વોરા મુસલમાનોએ ત્રિરંગા સાથે પીએમ મોદીનું જોરદાર સ્વાગત કર્યું. આ દરમિયાન ભારત માતા કી જયના નારા પણ લગાવ્યાં. વડાપ્રધાન નરેન્દ્ર મોદી અને ભાજપને મુસલમાન વિરોધી સાબિત કરવા માટે સમગ્ર દુનિયામાં અભિયાન ચલાવી રહેલા પાસિસ્તાનને આ જરાય ગમ્યુ નહીં અને બરાબર ચીડાયું. ઈમરાન ખાનની સરકારમાં મંત્રી ફવાદ ચૌધરી પીએમ મોદીના આ ભવ્ય સ્વાગતથી એટલા બધા ચીડાઈ ગયા કે તેમણે ટ્વીટ કરીને પોતાની હતાશા વ્યક્ત કરી દીધી. 

ફવાદ ચૌધરીની આ ટ્વીટ બાદ લોકોએ તેમને ટ્રોલ કરવાનું શરૂ કરી દીધુ. ફવાદ ચૌધરીએ ટ્વીટ કરીને લખ્યું કે આ ડ્રામા બદલ કેટલાક પૈસા લાગ્યાં. તો પ્રકાશ ચૌધરી નામના એક યૂઝરે લખ્યું કે ફવાદ ચૌધરી...હરકતો પણ નામ જેવી જ છે. ટામેટા અને રોટીમાં વેચાનારા લોકો પૈસાનું પૂછી રહ્યાં છે.