National Herald Case: ઈડી દ્વારા રાહુલ ગાંધીની પૂછપરછ; કોંગ્રેસીઓનું ઉગ્ર વિરોધ પ્રદર્શન, ભાજપે કર્યો પલટવાર

National Herald Case: નેશનલ હેરાલ્ડ કેસમાં ઈડી છેલ્લા 2 દિવસથી કોંગ્રેસના પૂર્વ અધ્યક્ષ રાહુલ ગાંધીની પૂછપરછ કરી રહી છે. આજે પણ ઈડી તેમની પૂછપરછ કરશે. જો કે તે પહેલા કોંગ્રેસના કાર્યકરો અને નેતાઓની ઈડીની પૂછપરછ વિરુદ્ધ પ્રદર્શન આજે પણ ચાલુ છે. અનેક નેતાઓને અટકાયતમાં લેવાયા છે. મુખ્ય વિપક્ષી દળે દાવો કર્યો કે પાર્ટી નેતાઓ અને કાર્યકરોને કોંગ્રેસ મુખ્યાલય જવા દેવાતા નથી તથા ફક્ત બે મુખ્યમંત્રીઓ અશોક ગહેલોત અને ભૂપેશ બઘેલને 24 અકબર રોડ પહોંચવાની મંજૂરી અપાઈ છે. તેમણે એમ પણ કહ્યું કે કોંગ્રેસ અને રાહુલ ગાંધી ઝૂકશે નહીં. 

Live Updates: 

3.30 કલાક પૂરપરછ બાદ ઘરે ગયા રાહુલ ગાંધી
કોંગ્રેસ નેતા રાહુલ ગાંધીની આજે ત્રીજા દિવસ પણ ઈડી પૂછપરછ કરી રહી છે. સાડા ત્રણ કલાકની પૂછપરછ બાદ તેઓ લંચ બ્રેકમાં ઘરે ગયા. ત્યારબાદ ફરીથી પૂછપરછમાં સામેલ થશે. 

150 લોકોની અટકાયત
દિલ્હી પોલીસના સ્પેશિયલ સેલ સીપી સાગર હુડાએ કહ્યું કે પોલીસે આજે પણ કેટલાક લોકોને અટકમાં લીધા છે. આજના પ્રદર્શન માટે કોંગ્રેસ તરફથી કોઈ મંજૂરી લેવાઈ નહતી. અત્યાર સુધીમાં 150 લોકોની અટકાયત કરાઈ છે. પોલીસ દ્વારા લાઠીચાર્જ થયો હોવાની વાત સાવ ખોટી છે.