માછલી ખાવાની એવી લાગી તલપ, કે ટ્રેન ડ્રાઈવરે ગાડી રોકીને કરી ખરીદી, જુઓ વીડિયો

Viral Viedo: ટ્રેન એક ફાટક પાસે ઉભી છે. અને ફાટક બંધ છે. બંને બાજુ લોકો રાહ જોઈ રહ્યા છે કે ક્યારે ટ્રેન આગળ વધે અને ફાટક ખુલે તો તેઓ પોતાના રસ્તે જાય. પરંતુ ટ્રેન તો ત્યારે આગળ વધેને જ્યારે તેનો ડ્રાઈવર તેમાં હોય. દુનિયામાં ખાવા પીવાના શોખીન લોકોની કોઈ કમી નથી. એવા લોકો હોય છે જે ખાવા માટે તો ક્યાંય પણ નિકળી જાય છે. કાંઈ પણ કરી શકે છે. અનેક લોકો ખાવાનું મન થાય તો અડધી રાતે ગાડી લઈને દૂર સુધી નિકળી પડે છે. દુનિયામાં એવી જગ્યાઓ છે જે પોતાની વાનગીઓ માટે મશહૂર છે. કોઈ બાઈક કે કાર પર નિકળે તો તે રસ્તામા એવી જગ્યાએ જરૂરથી રોકાય છે જ્યાંની વાનગી ફેમસ હોય. ખાવા માટે આવી જ દિવાનગીનો એક વીડિયો વાયરલ થયો છે, જેને જોઈને સોશિયલ મીડિયા યૂઝર્સ મજા લઈ રહ્યા છે.

આ અનોખા વીડિયોને સોશિયલ મીડિયા પ્લેટફોર્મ ટ્વિટર પર Hasna Zaroori Hai હૈ નામના આઈડીથી શેર કરવામાં આવ્યો છે અને કેપ્શનમાં લખવામાં આવ્યું છે કે, 'આ સાહેબ ગાડી ઉભી રાખીને માછલી ખરીદવા ગયા હતા. કઈ ગાડી છે એ પણ જુઓ.' 44 સેકંડના આ વીડિયોને અત્યાર સુધીમાં હજારો લોકોએ જોયો છે. અને લાઈક પણ કર્યું છે. લોકો આ વીડિયો જોઈને મજેદાર પ્રતિક્રિયા પણ આપી રહ્યા છે. એક યૂઝરે લખ્યું છે કે, ભૂખ્યો હશે બિચારો, તો એક અન્ય યૂઝરે લખ્યું છે કે, માછલી વસ્તુ જ એવી છે. જ્યારે એક યૂઝરે લખ્યું છે કે, લોકો ખોટી રીતે યૂપી બિહારનું નામ ખરાબ કરે છે.

આ પણ ખાસ વાંચોઃ