કોણ છે નિર્મલા સીતારમણના જમાઈ પ્રતિક દોશી? જેમના પર PM મોદી પણ આંખ બંધ કરીને કરે છે ભરોસો

દેશના નાણામંત્રી નિર્મલા સીતારમણના પુત્રી પરકલા વાંગમયીના ગુરુવારે અત્યંત સાદગીથી લગ્ન થયા. લગ્ન સમારોહમાં પરિવારના લોકો અને મિત્રો જ સામેલ હતા. રાજકીય મહેમાનોને આમંત્રણ અપાયું નહતું. નિર્મલા સીતારમણના પુત્રીના લગ્ન પીએમ નરેન્દ્ર મોદીના એક પ્રમુખ સહયોગી પ્રતિક દોશી સાથે થયા છે. લગ્ન સમારોહનો એક વીડિયો પણ સોશિયલ મીડિયા પર ખુબ વાયરલ થઈ રહ્યો છે. 

આ વાયરલ વીડિયોમાં કેટલાક બ્રાહ્મણ વૈદિક મંત્રોચ્ચારથી પરકલા વાંગમયી અને પ્રતિકના લગ્નની વિધિ કરાવી રહ્યા છે. નાણામંત્રી નિર્મલા સીતારમણ નજીક જ ઊભા છે. વાંગમયી વ્યવસાયે પત્રકાર છે. તેમણે દેશના અનેક મીડિયા સંસ્થાનોમાં કામ કર્યું છે. તેમના પતિ અને દેશના નાણામંત્રી નિર્મલા સીતારમણના જમાઈ પ્રતિક દોશી વિશે ખાસ જાણો...

પીએમઓમાં અધિકારી છે, ગુજરાત કનેક્શન
નિર્મલા સીતારમણના જમાઈ પ્રતિક દોશી ગુજરાતના રહીશ છે અને પ્રધાનમંત્રી કાર્યાલયમાં સ્પેશિયલ ડ્યૂટી ઓફિસર તરીકે કામ કરે છે. જ્યારે પીએ મોદી પહેલીવાર પ્રધાનમંત્રી બન્યા ત્યારે તેઓ વર્ષ 2014માં દિલ્હી ગયા હતા. તેમને જૂન 2019માં સંયુક્ત સચિવના પદે પ્રમોટ કરાયા હતા.